| e-texts navigator |
| Wylie |
180b1 རྣམས་ནི་ཇི་ལྟར་ལགས།། རྫོགས་སངས་རྒྱས་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ། བཅུ་བཞི་ཞེས་ནི་བྱ་བ
180b2 ཡི།། ཕྱག་རྒྱ་རྣམས་ནི་ངས་བསྟན་ནོ།། གཡས་གཡོན་ཟབས་དང་ཤེས་རབ་ལ།། ཤེས་རབ་མཆོག་གི་སྙིང་གར་བསྟེན།། ཤེས་རབ་ཕྱོགས་མཚམས་བསྐོར་བ་ནི།། ཕྲ་མེན་རྒྱ་མཚོ་ཚོགས་ཀྱི་རྒྱ།། རྡོ་རྗེ་སྡེར་མོ
180b3 བརྐྱང་བ་ལས།། ཧ་གཉིས་རྩེ་སྤྲད་ཕྲེང་བའི་ཚུལ།། འབྲུ་བརྒྱད་ཕྱར་ནས་གདེངས་པ་ནི།། འདི་ནི་ཉི་ཟླ་ཐོད་ཕྲེང་རྒྱ།། ཐབས་ཀྱི་ཨོཾ་ནི་གྱེན་དུ་བསྒྲེང་།། ཨོཾ་དང་སྭ་དང་ཨཾ་དང་ཧ།། ཨོཾ་ལ་སྦྱར་ཏེ་ཟུར་ཅན་དུ།། རྟོགས
180b4 པའི་ཚུལ་དུ་ཕྱར་བ་དང་།། ཤེས་རབ་ཐལ་མོ་དྲང་བརྐྱང་ནས།། སྐུ་ཡི་ཁ་རུ་བརྐྱང་པ་ནི།། རྡོ་རྗེ་ཉི་མ་ཁྲོས་པའི་རྒྱ།། ཨོཾ་ཧཱུཾ་སྲ་གསུམ་རྩེ་སྤྲད་དེ།། བསྣོལ་ཏེ་དམ་དུ་བསྡམས་པ་དང་།། ཨོཾ་དང་ཧཱུཾ་ཡང་ཧ་གཉིས་རྩེ
180b5 སྤྲསྨད་ནས།། སྙིང་གའི་ཟད་ཀར་གཟུང་བ་ནི། ཁམས་གསུམ་འཚོ་བྱེད་ཁྲོས་པའི་རྒྱ།། རྡོ་རྗེ་འཁོར་བ་བསྡུས་པའི་ལས།། ཧཱུཾ་དང་ཧ་གཉིས་གཏོར་བའི་ཚུལ།། པདྨ་ཁྲག་འཐུང་ཁྲོས་པའི་རྒྱ།། ཐབས་ཀྱི་རྡོ་རྗེ་ཐལ
180b6 མོ་གཉིས།། ཕྱར་ཏེ་དྲག་ཏུ་རྒྱབ་པ་ནི།། སྲིད་གསུམ་བདེ་སྦྱོར་ཁྲོས་པའི་རྒྱ།། རྡོ་རྗེ་ཐལ་མོ་སྦྱར་ནས་ནི།། གདོང་དང་དཔྲལ་བར་རབ་གཏུགས་ཏེ།། གུས་པའི་ཚུལ་གྱིས་ལུས་བཏུད་པ།། འདི་ནི་མ་བཞིའི་ཕྱག
iiif viewer powered by OpenSeadragon
