| e-texts navigator |
| Wylie |
180a1 ལྷ་ཡིས་ཡང་གསོལ་པ།། སེམས་ཉིད་འཇིག་རྟེན་ལ་བཟླ་བའི།། ཕྱག་རྒྱ་ཆེན་པོ་ཇི་ལྟར་ལགས།། དབང་ཕྱུག་གཙོ་ལ་བདག་ཉན་འཚལ།། དབང་ཕྱུག་གཙོ་ཡིས་བཀའ་སྩོལ་ཅིག། དེ་སྐད་གསོལ་པ
180a2 གསན་ནས་ཀྱང་།། དབང་ཕྱུག་གཙོ་ཡིས་བཀའ་སྩལ་པ།། ཉོན་ཅིག་གནོད་འདུལ་ལྷ་ཡི་གཙོ།། ཐིག་ལེ་ཆེན་པོའི་ཕྱག་རྒྱ་ནི།། རྡོ་རྗེ་ཁུ་ཚུར་ཁ་སྤྲད་དེ།། ཤེས་རབ་མཆོག་གི་ཕྱོགས་ནས་སུ།། ཨོཾ་ཨཾ་ཧ་གསུམ་རྩེ་སྤྲད
180a3 པ།། རྣམ་པར་ཐར་པའི་སྒོ་གསུམ་རྒྱ།། ཐབས་མཆོག་སྤྱོད་པའི་ཕྱོགས་ནས་སུ།། ཨོཾ་ཨཾ་ཧ་གསུམ་རྩེ་སྤྲད་པའི།། སྐུ་གསུང་ཐུགས་ཀྱི་རྡོ་རྗེའི་རྒྱ།། ཐབས་ཀྱི་ཧཱུཾ་གི་སྒོ་གསུམ་ནི།། རང་རིག་ཡེ་ཤེས་ཕྱག་རྒྱ
180a4 ཡིན།། ཤེས་རབ་སྲ་ཡིས་སྐུ་གསུང་ཐུགས།། ཐིག་ལེ་བྱང་ཆུབ་སེམས་ཀྱི་རྒྱ།། ཤེས་རབ་ཧཱུཾ་གི་རྩེ་མོ་རུ།། ཐབས་ཀྱིས་སྭ་ཡིས་སྤྱིར་མནན་པ།། ཐབས་དང་ཤེས་རབ་ཕྱག་རྒྱ་ཞེས།། ཡང་དག་རྫོགས་ཀྱིས་ངེས་པར
180a5 བཤད།། ཐིག་ལེ་ཆེན་པོའི་རྐུ་བཅིངས་ནས།། མ་ཧ་སུ་ཁར་བསྡམས་ནས་སུ།། བླ་ན་མེད་པར་གསལ་གྱུར་ནས།། དུག་གསུམ་ཉེས་དམིགས་སེལ་བར་ངེས།། ངས་གསུང་པ་ལ་ཐེ་ཚོམ་མེད།། དུས་གསུམ་མགོན
180a6 པོས་དེ་སྐད་གསུངས།། སེམས་ལ་བཟླ་བའི་ཕྱག་རྒྱའི་ལེའུ་སྟེ་བཅུ་པའོ།། །། གནོད་འདུལ་ལྷ་ཡིས་ཡང་གསོལ་པ།། གཙོ་མོ་རྣམས་ཀྱི་ཕྱག་རྒྱ་བསྟན་ལགས་ན།། བཅུ་བཞི་ཞེས་ནི་བགྱི་བ་ཡི།། ཕྱག་རྒྱ
iiif viewer powered by OpenSeadragon
