| e-texts navigator |
| Wylie |
179a1 གསུམ་ནུབ་ཀྱི་མཁའ་འགྲོ་མ།། ཧཱུཾ།། མ་མོ་ཆེན་པོ་དྲོད་བདག་མོ།། སྣ་ཚོགས་འགྱུར་བའི་སྐུ་མདོག་ལ།། ཞལ་གསུམ་ལྷོ་ཡི་མཁའ་འགྲོ་མ།། ཧཱུཾ།། མ་མོ་ཆེན་མོ་བཀྲག་གི་བདག། སྣ་ཚོགས་འགྱུར
179a2 བའི་སྐུ་མདོག་ལ།། ཞལ་གསུམ་ནམ་མཁའི་མཁའ་འགྲོ་མ།། ཡང་སྦས་དྲུག་གིས་དཀྱིལ་འཁོར་རྣམས།། ཐུགས་དམ་ཆེན་པོ་རྗེས་དགོངས་ཏེ།། བཅོལ་བའི་ལས་རྣམས་གྲུབ་པར་མཛོད།། དེ་ནས་བཅུ་བཞི་མན
179a3 ཆད་ཀྱང་།། རང་རྒྱུད་ལུགས་བཞིན་བསྐུལ་བར་བྱ།། མ་མོ་བཀོལ་ཐབས་དང་། དབང་དུ་བསྡུ་བ་དང་། ཚོགས་ཀྱི་ལེའུ་སྟེ་བརྒྱད་པའོ།། །། གནོད་འདུལ་ལྷ་ཡིད་ཡང་གསོལ་པ།། མ་མོ་ཀུན་གྱི་ཕྱག་རྒྱ
179a4 རྣམས།། དོན་དུ་ཇི་ལྟར་འཚལ་བར་བགྱི།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། མ
179a5 མོ་རྣམས་ཀྱི་ཕྱག་རྒྱ་རྣམས།། འབྲུ་ལྔ་དོན་དང་ངས་བསྟན་པས།། ཉོན་ཅིག་གནོད་འདུལ་ལྷ་ཡི་གཙོ།། ཨ་ལ་ལ་ཧོ། ས་མ་ཡ་ཧཱུཾ་ཧ་ཧོ་སྟྭཾ། ལག་གི་འདུ་བྱེད་བསྒོམ་པ་ནི།། གཡས་གཡོན་ཐབས་དང་ཤེས་རབ
179a6 ལས།། རྡོ་རྗེ་གར་དུ་བསྐོར་བ་ལས།། ཤེས་རབ་མཆོག་གི་སྙིང་གར་བསྟན།། སྦོམ་པོ་དབང་མོ་རྩེ་སྤྲད་དེ།། ཐབས་ཀྱི་ཕྱོགས་མཚམས་བསྐོར་བ་ནི།། མ་མོ་ཚོགས་ཀྱི་རྒྱལ་མོའི་རྒྱ།། རྡོ་རྗེ་སྡེར་མོ་དམ་བསྣོལ
iiif viewer powered by OpenSeadragon
