| e-texts navigator |
| Wylie |
175b1 པ།། ལས་རྣམས་འོག་མ་འདི་ལྟར་བྱ།། ཧཱུཾ་སྲིད་པ་ཐམས་ཅད་ཡུམ་གྱི་བྷ་གའི་ཀློང་།། དུས་གསུམ་བདེ་གཤེགས་འབྱུང་བ་ལྔ་ཡི་དང་།། སྐྱེ་འགྲོ་མ་ལུས་འབྱུང་བ་ལྔ་ལ་རྫོགས།། འདས་དང་མ་བྱོན་འབྱུང་བ་ལྔ་ཡི
175b2 དབྱིངས།། འབྱུང་བ་ལྔ་ཉིད་བྷ་ག་ཡུམ་གྱི་ཀློང་།། བདེ་ཆེན་ཡུམ་གྱི་ཀློང་ལ་ཕྱག་འཚལ་ལོ།། ཧཱུཾ་ཁམས་གསུམ་ཐམས་ཅད་ཡུམ་གྱི་བྷ་གའི་རྒྱན།། སྣང་སྲིད་ཐམས་ཅད་འཁོར་ལོ་རྩིབས་བཞི་པ།། གྲུ་ཆད་སྒོ་བཞི་བྷ
175b3 གའི་ཚུལ་དུ་བརྒྱན།། འབྱུང་བ་ལྔ་ཡི་རྒྱལ་མོ་སྐུ་བསྐྱེད་ཅིག། ཧཱུཾ། འཁོར་ལོ་འབར་བའི་ལྟེ་དབུས་སུ།། ཡ་བདུད་བསྒྱེལ་བའི་གདན་སྟེངས་སུ།། ཡུམ་གྱི་རྒྱལ་མོ་སྤྱན་འདྲེན་ཏེ།། བཞི་ཟུར་ཞབས་བརྒྱད་ཕྱོགས
175b4 མཚམས་གནོན།། མཁའ་བཞི་བདེ་ཀློང་གཅིག་ཏུ་འཁྱིལ།། མཁའ་ལ་དུས་བཞི་ཆ་སྙོམས་མ།། དབུ་གཅིག་ཞལ་ལྔ་སྲིད་པ་གསལ།། ཞལ་ནས་འབྱུང་བ་ལྔ་འཆར་མ།། ཕྱག་དྲུག་ཕྱག་ཆ་སྣ་ཚོགས་བསྣམས།། དང་པོ
175b5 རྡོ་རྗེ་དྲིལ་བུ་དང་།། བར་མ་བྷནྡྷ་ཞགས་པར་བཅས།། ཐ་མ་བདུད་རྩི་གཡང་གཞི་འབར།། སྣ་ཚོགས་འགྱུར་བའི་སྐུ་མདོག་ལ།། ན་བཟའ་སྣ་ཚོགས་ཤིན་ཏུ་འབར།། འཁོར་ལོ་འབར་བའི་རྩེ་མོ་ལ།། ཚོགས་ཀྱི
175b6 བདག་མོ་གཤེགས་སུ་གསོལ།། ཧཱུཾ། ཤར་ཕྱོགས་འཁོར་ལོའི་རྩིབས་སྟེངས་སུ།། ས་བདག་བསྒྱེལ་བའི་གདན་སྟེངས་སུ།། ཤར་གྱི་མཁའ་འགྲོ་སེང་གེའི་གདོང་།། རྟག་པའི་རྒྱལ་མོ་རྣམ་སྣང་གསལ།། སྣ་ཚོགས
iiif viewer powered by OpenSeadragon
