| e-texts navigator |
| Wylie |
175a1 གན་དང་ནི་འབྲས་བུ་ལྔ།། སྤང་བར་མི་བྱ་སྤྱད་པར་བྱ།། འདི་ནི་ཡན་ལག་ས་མ་ཡ།། དམིགས་མེད་སྤྱོད་པ་མཐའ་དག་ཀུན།། འགྲོ་དོན་རྫོགས་པའི་ས་མ་ཡ།། ས་མ་ཡ་ནི་རྡོ་རྗེ་ཆེ།། འདའ་བར་མི
175a2 མཛད་རྡོ་རྗེ་དམ།། བཅོལ་བའི་ལས་རྣམས་བྱེད་པ་ནི།། མཁའ་འགྲོ་རྣམ་གསུམ་ས་མ་ཡ།། ཞེས་དཔའ་བོས་བཤད་དེ།། དེ་སྐད་ཅེས་སྤྱི་དཔལ་ཆེན་པོས་བཀའ་སྩལ་པ་དང་། འཁོར་ཐམས་ཅད་ཡི་རངས་ཏེ། རྡོ་རྗེ
175a3 སེམས་དཔའ་དང་། རིགས་ལྔའི་སངས་རྒྱས་རྣམས་ནི་གསང་བའི་བདག་པོར་གྱུར། འཁོར་མང་པོས་ནི་གཡུང་དྲུང་གི་དངོས་གྲུབ་ཐོབ་སྟེ། གསང་བ་དགྱེས་པའི་དམ་ཚིག་ཅན་དུ་གྱུར་ཏོ།། དམ་ཚིག་བཅའ་གཞིའི
175a4 ལེའུ་སྟེ་དྲུག་པའོ།། །། རྣལ་འབྱོར་གྱི་རྒྱུད་ལུང་ཆེན་པོ། ཀ་མ་ལ་དེ་ཝི་སིདྡྷི་མ་ཧཱ་ཏནྟ་ལས། དཀྱིལ་འཁོར་བསྐྱེད་པ་དང་། བདུད་རྩི་ཆེན་པོའི་བཅའ་གཞི་དང་། ཏིང་འཛིན་ཕུམ་སུམ་ཚོགས་པའི་བཅའ་གཞི
175a5 དང་། ས་མ་ཡའི་བཅའ་གཞི་སྟེ། རིན་པོ་ཆེའི་གཏེར་གྱི་ལེའུ་སྟེ་བདུན་པའོ།། །། གནོད་འདུལ་ལྷ་ཡིས་ཡང་གསོལ་པ།། སྲིད་པའི་དབང་ཆེན་མོ་རྣམས་ཀུན།། སྤྱན་རྣམས་དྲང་ན་གང་གིས་དྲང་།། དབང་དུ
175a6 བསྡུ་ན་ཇི་ལྟར་བསྡུ།། ལས་ལ་བཀོལ་ན་ཇི་ལྟར་བཀོལ།། ཚོགས་ཀྱི་མཆོད་པ་ཇི་ལྟར་དབུལ།། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག
iiif viewer powered by OpenSeadragon
