| e-texts navigator |
| Wylie |
174b1 ནས་རྡོ་རྗེ་སེམས་དཔའ་དེས།། རྒྱན་དང་ཆ་ལུགས་བཀྲོལ་བྱས་ཏེ།། སྤྱི་དཔལ་མཆོག་ལ་མངོན་པར་གཏོར།། གསང་དབང་ཆེན་པོ་བཙལ་བའི་ཕྱིར།། སྙིང་དང་སྙིང་གི་གྲོགས་མོ་དེ།། སྤྱི་དཔལ་མཆོག་ལ་ཡོན་དུ
174b2 འབུལ།། རྒྱན་དང་ཆ་ལུགས་མང་པོ་ཀུན།། གསང་དབང་གནང་ནས་ཡོན་དུ་བཞེས།། མངོན་སྤྱོད་ཀྱི་མཆོད་པ་ཆེན་པོའི་ལེའུ་སྟེ་ལྔ་པའོ།། །། རྡོ་རྗེ་སེམས་དཔས་ཡང་གསོལ་པ།། ས་མ་ཡ་ཞེས་བགྱི་བ
174b3 གང་།། ས་མ་ཡ་ལ་དུ་ཞིག་མཆིས།། ས་མ་ཡ་ཡི་དོན་རྣམས་གང་།། དེ་སྐད་ཞུས་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ།། ས་མ་ཡ་ཞེས་བྱ་བ་ནི།། འདའ་བར་དཀའ་བའི་དམ་ཚིག་གོ། དམ
174b4 ཚིག་གྲངས་ལ་བསམ་མི་ཁྱབ།། བསྡུ་ན་རྣམ་པ་གསུམ་ཡིན་ནོ།། རྡོ་རྗེ་སེམས་དཔས་ཡང་གསོལ་པ།། ས་མ་ཡ་ཞེས་བཀའ་སྩལ་པ།། ཇི་ལྟར་བདག་གིས་ནན་ཏན་བགྱི།། ཉག་གཅིག་ཡབ་ལ་བདག་ཉན
174b5 འཚལ།། ཉོན་ཅིག་དཔལ་ལྡན་རྡོ་རྗེ་སེམས།། སྟོན་པ་བདེ་གཤེགས་ཀུན་གྱི་དཔལ།། སྐུ་ཡི་ཕྱག་རྒྱ་མི་སྤང་ཞིང་།། བསྒོ་བའི་ཚིག་རྣམས་མཉན་པར་བྱ།། རྡོ་རྗེ་སྤུན་ལ་གདུང་བ་བསྐྱེད།། འདི་ནི་ལུས་ཀྱི་ས
174b6 མ་ཡ།། བསྐྱེད་རྫོགས་ས་བོན་རྒྱུན་མི་འཆད།། རྒྱལ་པོ་ཕྱག་རྒྱ་གསལ་བར་བསྒོམ།། འདི་ནི་ངག་གི་ས་མ་ཡ།། གསང་བའི་སྙིང་པོ་ངེས་པའི་དོན།། སྣོད་ངན་རྣམས་ལ་སྤེལ་བ་མིན།། འདི་ནི་ཙིཏྟའི་ས་མ་ཡ།། ཏན
iiif viewer powered by OpenSeadragon
