| e-texts navigator |
| Wylie |
173b1 མཉེས།། བཏུང་བས་ཚིམས་པའི་ལོངས་སྤྱོད་ལ།། བསྲེག་པའི་ས་བོན་གྱིས་སྦྱངས་ཏེ།། ཆུ་ཡི་ས་བོན་ཆེན་པོ་ཡིས།། སྦྱངས་ཏེ་འཐུང་ན་དཀྱིལ་འཁོར་དགྱེས།། ཕར་གཏོང་བ་དང་ཚུར་ལེན་པ།། ཕོ་དང་མོ་ཡི་ས་བོན
173b2 གྱིས།། སྦྱངས་ན་ཐབས་དང་ཤེས་རབ་ཐོབ།། མཆོད་པ་འོད་ཀྱི་དཀྱིལ་འཁོར་སྤྲོ།། རྟགས་ཀ་ནི་ངང་ཐ་དོ་ལ།། ཐབས་དང་ཤེས་རབ་ས་བོན་གྱིས།། སྦྱངས་ན་སྡིག་བྱང་ཉེས་པ་མེད།། འདི་ལྟར་བྱས་ན་འཕགས་པ
173b3 མཉེས།། མངོན་སྤྱོད་མཆོད་པ་ཆེན་པོ་ཡིས།། ཆོས་ཀྱི་རང་བཞིན་དངོས་མེད་དེ།། དངོས་མེད་ཡི་གེ་སྟོང་པས་སྦྱངས།། སྟོང་ཉིད་སྟོང་པ་ཡེ་ནས་དབེན།། བསགས་པའི་སྣོད་ཀྱང་དངོས་ཀྱིས་སྟོང་།། རྣམ་པར་སྨིན་པ
173b4 སྟོང་པས་མེད།། བྱེད་པ་པོ་དང་བྱ་བ་མོ།། གདོད་ནས་སྟོང་པའི་འབྲས་བུ་ཡིན།། རྟོགས་པས་སྟོང་པའི་འབྲས་བུ་ལེན།། ལེགས་དང་ཉེས་པ་གཉིས་མེད་དེ།། ཐིག་ལེ་ཆེན་པོ་ལེན་པ་མེད།། གདོད་ནས་ལེན་པའི
173b5 རྒྱལ་པོ་ཡིན།། དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔའ་ལ་སོགས་པའི་འཁོར་ཕུན་སུན་ཚོགས་པ་ཀུན། སྟོང་པའི་འབྲས་བུ་ལ་སེམས་མི་ཡེངས་པར་རྟོག་གོ།། དེ་ནས་ལྷ་གནོད་འདུལ་སྟན་ལས་ལངས
173b6 ཏེ། སྤྱི་དཔལ་ཆེན་པོའི་ཞབས་ལ་འཇུས་ནས། གནོད་འདུལ་ཆེན་པོས་གསོལ་པ། དགོངས་ཤིག་བདེ་ཆེན་ཡེ་ཤེས་ལྷ།། སྲིད་པ་འཁྲུལ་པའི་རྟོག་པ་ཡིས།། སེམས་ཀྱི་འཁྲུལ་པ་ཅི་མཆིམས་པ།། ཞབས་ལ་སྤྱི་བོས
iiif viewer powered by OpenSeadragon
