| e-texts navigator |
| Wylie |
173a1 སྟེ།། སྤྲོས་ན་གཉིས་སུ་མེད་པའོ།། སྤྲོས་པ་ཚོམ་བུ་ཀུན་བསྟིམ་སྟེ།། མཆོད་པ་བཞི་ཡི་ས་བོན་གྱིས།། སྟོང་ཁམས་བཀའ་སྟེ་མཉེས་མཆོད་ལ།། རིགས་དྲུག་འགྲོ་བའི་སྡིག་སྦྱངས་ནས།། འཇུག་པའི་ས
173a2 བོན་ཆེན་པོ་ཡིས།། བསྡུས་ནས་ཀུན་བཟང་མཁའ་ལ་བསྟིམ།། གཏིང་དཔག་མེད་པའི་རྒྱ་མཚོ་ལ།། ཆུ་བྲན་ཐམས་ཅད་འདུ་བ་ལྟར།། བྱ་སྤྱོད་གཉིས་ཀྱི་རླུང་དཀྱིལ་དུ།། མ་སྲིང་ལ་སོགས་ཀླུ་མོ་དང་།། གདོལ་པ
173a3 རིགས་ངན་ཕྱལ་པ་དག། ཚུལ་དགུར་སྦྱར་ན་བསོད་ནམས་མཆོག། ཅེས་བཀའ་སྩལ་པ་དང་། འཁོར་ཐམས་ཅད་ཀྱིས་ཆགས་སྡང་གི་དངོས་གྲུབ་ཐོབ་བོ།། ཏ་ན་དང་ག་ཎའི་བཅའ་གཞིའི་ལེའུ་སྟེ་བཞི
173a4 པའོ།། །། རྡོ་རྗེ་སེམས་དཔས་ཡང་གསོལ་པ། མངོན་སྤྱོད་མཆོད་པ་ཆེན་པོ་དག། ཇི་ལྟར་བདག་གིས་ནན་ཏན་བགྱི།། སྤྱི་དཔལ་མཆོག་ལ་བདག་ཉན་འཚལ།། རྒྱལ་པོ་བདེ་བས་བཀའ་སྩལ་པ། དེ་ཕྱིར
173a5 ཉོན་ཅིག་རྡོ་རྗེ་སེམས།། མངོན་སྤྱོད་མཆོད་པ་སྣ་ཚོགས་ཏེ།། བདག་ཉིད་མཁའ་འགྲོའི་དཀྱིལ་འཁོར་ལྡན།། རྒྱན་དང་བགོ་བའི་ལོངས་སྤྱོད་ལ།། འདོམ་གང་འོད་ཀྱི་ས་བོན་གྱིས།། སྦྱངས་ན་དཀྱིལ་འཁོར་མཉེས
173a6 པ་ཡིན།། བཟའ་དང་བཅའ་བའི་ལོངས་སྤྱོད་ལ།། བསྲེག་པའི་ས་བོན་མཐར་བཞག་ལ།། བདུད་རྩིའི་ས་བོན་མངོན་སྦྱངས་ཏེ།། གཉིས་ཤིང་དགྱེས་པའི་ས་བོན་གྱིས།། མཆོད་ཅིང་ཟོས་ན་དཀྱིལ་འཁོར
iiif viewer powered by OpenSeadragon
