| e-texts navigator |
| Wylie |
171b1 དཔའ་སྟན་ལས་ལངས་ཏེ། ཡེ་ཤེས་བཞིའི་ཕྱག་ཕྱོགས་བཞིར་འཚལ་ཏེ། བག་བཞི་ས་ལ་བརྡབས་ཏེ་ལུས་བརྐྱངས་ནས། རྒྱལ་པོ་རྫོགས་པའི་ཞབས་སྤྱི་བོ་ལ་བླངས་ཏེ། དངོས་གྲུབ་མྱུར་བར་འདོད་པའི་ཕྱིར། ཕྱག
171b2 རྒྱ་བཅས་ནས་གསོལ་པ། ཕ་དང་ཉི་བཞི་ཞིང་བཅུ་དག། བསད་ནས་དངོས་གྲུབ་ཐོབ་པ་ཡིན།། ཞེ་སྡང་ཆེན་པོའི་ཏིང་འཛིན་ལ།། ཞིང་བཅུ་བསད་ན་དངོས་གྲུབ་ཐོབ།། རྟོགས་པ་སྣ་ཚོགས་ལས་བྱའོ།། མ་དང་ཉེ་བ
171b3 ཕྱལ་པ་ལ།། སྦྱར་ན་དངོས་གྲུབ་དམ་པ་ཐོབ་པར་འགྱུར།། འདོད་ཆགས་ཆེན་པོའི་ཏིང་འཛིན་གྱིས།། དངོས་གྲུབ་ཆེན་པོ་བདག་འཚལ་ན།། སྤྱི་དཔལ་ཆེན་པོས་བསྟན་དུ་གསོལ།། ཞེས་ཞུས་ཏེ། ལུས་ས་ལ་ལན
171b4 སྟོང་དུ་བརྡབས་པ་དང་། བག་བཞི་ས་ལ་བཏུད་ནས། སྲིད་པ་ཐམས་ཅད་དུས་གཅིག་ཏུ་གཡོས་ཏེ། འཁོར་ཐམས་ཅད་དུས་གཅིག་ཏུ་ཁམས་འཁྲུགས་ནས། ཐམས་ཅད་བག་བཞི་ས་ལ་བརྡབས་ནས་ཡ་མཚན
171b5 ཏེ། སྤྱི་དཔལ་ཆེན་པོ་ཡ་མཚན་ཏོ།། རྡོ་རྗེ་སེམས་དཔའ་ཡ་མཚན་ཏོ།། ཞེས་ཚིག་ཏུ་སྨྲས་ནས། པདྨ་གའུ་ཁ་འབུས་པ་ལྟར། སོར་མོ་བཅུ་སྤྱི་བོར་བླངས་ནས། མིག་མི་ལྡོག་པར་མངོན་པར་རྫོགས་པའི་རྒྱལ་པོ་ལ
171b6 རྟོག་གོ། དེ་ལྟ་བུའི་སྤྱོད་པ་ཐུགས་སུ་གསོལ་ནས། འཁོར་ཐམས་ཅད་ལ་དགྱེས་པ་ཡེ་ཤེས་ཀྱི་མདངས་ཀྱིས་གཟིགས་ཏེ་བཀའ་སྩལ་པ། རྡོ་རྗེ་འཁོར་ལ་གདུང་བ་དང་།། སེམས་ཅན་ཀུན་ལ་ཐུགས་བརྩེའི་ཕྱིར།། རྡོ
iiif viewer powered by OpenSeadragon
