| e-texts navigator |
| Wylie |
170b1 ལྡན།། དངོས་གྲུབ་ཆེན་པོ་ཕྲག་དོག་ཡིན།། བདག་གི་གསང་བའི་ས་བོན་ལས།། ས་བོན་གྱིས་ནི་རྣམ་སྦྱངས་ཏེ།། ཟོས་ན་ཡོན་ཏན་གཉིས་དང་ལྡན།། དངོས་གྲུབ་ཆེན་པོ་ཞེ་སྡང་ཡིན།། ཀུན་འདུས་གཅིག་ཏུ་གྱུར་པ
170b2 ཡིན།། ཕྲ་མོ་སྟོང་དང་སྦོམ་པོ་བརྒྱད།། བསྡུས་ནས་གོང་བུར་ཟིན་པ་ལས།། བསྡུ་བའི་ས་བོན་གྱིས་སྦྱངས་པའི།། སྤྲོ་བསྡུས་འོད་དུ་གྱུར་པ་ལ།། ཐབས་དང་ཤེས་རབ་ཕྱག་རྒྱ་ཡིས།། ཟོས་ནས་དཔལ་ཆེན་དངོས
170b3 གྲུབ་ཐོབ།། མཁའ་འགྲོ་མ་རྣམས་མགུ་བར་བྱེད།། རྒྱུ་གསུམ་རྐྱེན་ལྔ་བདུད་རྩི་ཆེན་པོ་ལས།། སྣོད་ཆེན་སྣང་སྲིད་འཆར་བའི་རྒྱུད།། དུས་གསུམ་རྒྱལ་བ་ཀུན་གྱི་འབྱུང་གནས་ཏེ།། མཁའ་འགྲོ་དམ་ཅན་ཀུན་གྱིད
170b4 སྲོག་གི་རྒྱུན།། རང་བཞིན་བདུད་རྩི་ཆེན་པོའི་འབྱུང་གནས་ནི།། རང་བྱུང་རྣམ་དག་ཉིད་ཀྱི་སྐུ་གསུང་ཐུགས།། བདུད་རྩི་ལྔ་ཡི་སྡོང་པོར་ཉིད་བཞུགས་པས།། དུག་གསུམ་རྟོག་པའི་ནད་ཀྱི་གཉེན་པོ་ཡིན།། ཐེག་ཆེན
170b5 ས་གཞི་ཆེན་པོ་ལས།། རྩི་མཆོག་མང་པོ་ཀུན་སྐྱེས་ཏེ།། འགྲོ་བའི་གསོས་སུ་གྱུར་པ་ལྟར།། བདག་ཉིད་ཆེན་པོའི་བདུད་རྩིའི་འཁོར་ལོ་ལས།། སྲོག་གིས་བསྡུས་པའི་སེམས་ཅན་ཐམས་ཅད་ཀུན།། རྣམ་རྟོག་ནད
170b6 ཀྱི་གསོས་སུ་ཆེ།། རྒྱུ་གསུམ་རྐྱེན་ལྔའི་བདུད་རྩི་དེ།། མ་རིག་དམྱལ་བའི་དོང་ཞེས་བྱ།། དེ་སྐད་ཅེས་བཀའ་སྩལ་པ་ལས། རྡོ་རྗེ་སེམས་དཔའ་དང་། ལྷ་གནོད་འདུལ་ལ་སོགས་པ་འཁོར་དེར་འདུས་པ་རྣམས་བདུད
iiif viewer powered by OpenSeadragon
