| e-texts navigator |
| Wylie |
167b1 དཔལ།། འཇིགས་བྱེད་གསང་བའི་རྡོ་རྗེ་ནི།། མཁའ་ཀློང་ཀུན་གྱི་གཏེར་ལགས་ཏེ།། མཁའ་ཀློང་བདེ་བའི་ལམ་མཆོག་ནི།། སྐྱེ་འགྲོ་ཡོངས་ཀྱི་ཐར་པའི་ལམ།། སངས་རྒྱས་ཡོངས་ཀྱི་རེ་སྐོང་ཕྱིར།། ཐར་ལམ་བདེ
167b2 བའི་ལོངས་སྤྱོད་ནི།། འཛུམ་པའི་མདངས་ཀྱིས་འབུལ་ལགས་ཀྱི།། དགྱེས་པའི་རྡོ་རྗེ་གསོར་ནས་ཀྱང་།། རེ་སྐོང་བདུད་རྩིའི་ཆར་ཆེན་ཕོབ་ཧོ།། ཧཱུཾ་མཉམ་ཉིད་ཡེ་ཤེས་པདྨའི་དབྱིངས།། འབྱུང་གནས་སྐྱེ་འགྲོ་ཐར
167b3 པའི་ལམ།། རིན་ཆེན་དཀྱིལ་འཇམ་ཀློང་ཡངས་སུ།། སྤྱི་དཔལ་རྡོ་རྗེ་གསང་བའི་གཏེར།། རེ་སྐོང་རྡོ་རྗེ་ཆར་ཆེན་ཕོབ་ཧོ།། ཧཱུཾ་བྷ་ག་པདྨའི་དཀྱིལ་འཁོར་འདིར།། འདབ་བརྒྱད་པདྨའི་དཀྱིལ་འཁོར་ལྡན།། ཕྱི
167b4 ལྕགས་ནང་སྟན་སྒོ་བར་བཅས།། རིན་ཆེན་དཀྱིལ་འཇམ་གདན་བཏིང་སྟེ།། བླ་མེད་འཕྲུལ་གྱི་ལྡེ་མིག་གིས།། ལྕགས་ཁྲོལ་གདན་ཕྱེ་གདན་ལ་བཞུགས།། རིན་ཆེན་བརྩེགས་པའི་གའུ་རུ།། བླ་མེད་ཁྲག་འཐུང་སྐུ
167b5 བསིལ་ནས།། བདུད་རྩི་ཆེན་པོའི་བུམ་པ་ཡིས།། སྲིད་གསུམ་འགྲོ་བའི་བག་ཆགས་བཀྲུས།། མི་དམིགས་པ་ལ་དམིགས་པ་ཆེ།། མ་ཆགས་པ་ལ་ཆགས་པ་ཆེ།། ཐར་ལམ་བདེ་བ་བྷ་གའི་དབྱིངས།། བླང་དོར་མེད
167b6 པའི་ཀློང་ཡངས་སུ།། སྲིད་པའི་བག་ཆགས་བཀྲུ་བའི་ཕྱིར།། སྤྱི་དཔལ་བླ་ན་མེད་པ་ཡི།། གསང་བའི་དོན་ལྡན་ལྡེ་མིག་གིས།། རྣམ་པར་ཐར་པའི་སྒོ་ཕྱེད་སྟེ།། ཡེ་ཤེས་ཆུ་བོས་ཁྲུས་ཆེན་མཛོད།། ཨོཾ་ཐབས་ལས
iiif viewer powered by OpenSeadragon
