| e-texts navigator |
| Wylie |
167a1 སྡུད་ནག་མོ་རལ་གཅིག་གཉིས།། གཤིན་རྗེའི་ཕྱོགས་སུ་མགོ་བསྟན་པའོ།། བདུད་རྩི་བྱེད་དང་དམར་མོ་གཉིས།། ཆུ་བདག་ཕྱོགས་སུ་མགོ་བསྟན་པའོ།། གནས་འཕྲུལ་སེར་མོ་ལས་མཁན
167a2 གཉིས།། གནོད་སྦྱིན་ཕྱོགས་སུ་མགོ་བསྟན་པ།། རྒྱན་གྱི་རྒྱལ་མོ་མི་ཡི་ཕྱོགས།། དབྱིངས་ཕྱུག་མ་ནི་བདེན་བྲལ་ཕྱོགས།། བདག་ཉིད་མ་ནི་རླུང་གི་ཕྱོགས།། གཅིག་པུ་མ་ནི་དབང་ལྡན་ཕྱོགས།། རིམ་གྲོ་བསྐྱེད་ཕྱིར
167a3 འཁོར་རྣམས་བསྒྱེལ།། བྷ་ག་བཅུ་བཞིའི་གདན་སྟེང་ན།། བདག་ཉིད་བྱང་ཆུབ་ཐིག་ལེ་ལས།། སྙིང་པོ་ཡེ་ཤེས་མངོན་དུ་ཤར།། བྱེད་པ་པོ་ནི་ཀུན་ཏུ་བཟང་།། རྣམ་པར་ཐར་པའི་དབུར་ལྡན་ཞིང་།། ཡེ་ཤེས་དྲུག་གི
167a4 ཕྱག་རྒྱར་བཅས།། མཚན་དང་དཔེ་བྱད་ཡང་དག་ལྡན།། རྫུ་འཕྲུལ་བཞི་ཡི་ཞབས་དང་ལྡན།། བདག་གི་ཀུན་གཞིའི་ངོ་བོ་ལ།། རྣལ་འབྱོར་ཉིད་གཞི་བདེ་མཆོག་མ།། བྱ་བ་མོ་ནི་ཆོས་ཀྱི་དབྱིངས།། ཆོས་ཉིད་རྟག
167a5 པ་ཐུགས་ཀྱི་དཀྱིལ།། འོད་ཟེར་མང་པོ་རྩེ་ནས་འཕྲོས།། འབྱུང་བ་ལྔ་ཡི་ཞལ་མངའ་ཞིང་།། ཡེ་ཤེས་དྲུག་གི་ཕྱག་རྒྱར་བཅས།། ཕྱོགས་མཚམས་གནོན་པའི་ཞབས་བརྒྱད་ཀྱིས།། མ་གཤེགས་པར་ནི་སྲིད་པར
167a6 ཕྱིན།། དུས་བཞི་འཆར་བའི་བྷ་ག་ལ།། སྐྱེ་ཤི་མེད་པའི་ཀློང་དུ་ཐིམ།། སྲིད་པ་གསུམ་གྱིས་སྐུ་བརྒྱན་ཅིང་།། སྤྱི་དཔལ་མཆོག་ལ་འདི་སྐད་གསུངས།། ཡེ་ཤེས་སྙིང་པོ་བླ་ན་མེད།། བླ་མེད་ཁྲག་འཐུང་དཔལ་གྱི
iiif viewer powered by OpenSeadragon
