| e-texts navigator |
| Wylie |
166a1 གསལ་བར་བསྒོམ་པ་ནི། ཐུགས་ཀ་ནས་ཡི་གེ་ཨོཾ་དཀར་པོ་གཅིག་ལས། ཡེ་ཤེས་ལྔའི་གཞལ་ཡས་ཁང་། ཆོས་ཀྱི་དབྱིངས་ལྟར་ཁྱབ་གདལ་བའི་དབུས་སུ། བདག་ཉིད་བླ་ན་མེད་པའི་ཏིང་ངེ་འཛིན་དུ
166a2 ཞུགས་ལ། སྙིང་གར་མུ་ཁ་ལེ་ལས། ཡེ་ཤེས་ཚོགས་ཀྱི་རྗེ་མོ་བསྒོམ། མིག་གཡས་པ་ཧ་ལས། མཁའ་འགྲོ་མ་རྣམ་སྣང་གསལ་བསྒོམ་མོ།། མི་གཡོན་པར་ཧ་ལས། མཁའ་འགྲོ་འོད་གསལ་འབར་བསྒོམ་མོ།། རྣ་བ
166a3 གཡས་པར་ཧ་ལས་མཁའ་འགྲོ་མ་གཉེན་གསལ་འབར་བསྒོམ།། རྣ་བ་གཡོན་པར་ཧ་ལས་མཁའ་འགྲོ་མ་ཡང་གསལ་འབར་བསྒོམ། སྣ་ལ་ཧ་ལས་མཁའ་འགྲོ་མ་བཀྲག་གསལ་མཉམ་བསྒོམ། སྐུ་མདོག་དང་ཕྱག
166a4 མཚན་ནི། འོག་མའི་ཚིགས་བཅད་དང་སྦྱར། མ་མོ་རྣམས་ཀྱི་གཙོ་མོ་དང་ཇོ་མོའི་ཡང་གསང་ཐིག་ལེ་གཏན་ཚིགས་ཀྱི་ལེའུ་སྟེ་དང་པོའོ།། །། གནོད་འདུལ་ལྷ་ཡིས་ཡང་གསོལ་པ། སྲིད་པའི་དཀྱིལ་འཁོར
166a5 བསྒོམས་པ་དང་།། བདག་ཉིད་ཕྱག་རྒྱར་བསྐྱེད་བྱ་བ།། འབྱུང་དང་འཇུག་པའི་མཚན་ཉིད་ལས།། ཇི་ལྟར་བདག་གིས་ནན་ཏན་བགྱི།། མངོན་རྫོགས་དཔལ་ལ་བདག་ཉན་འཚལ།། དེ་སྐད་གསོལ་པ་གསན་ནས
166a6 ཀྱང་།། མངོན་རྫོགས་དཔལ་གྱི་བཀའ་སྩལ་པ།། འབྱུང་དང་འཇུག་པའི་མཚན་ཉིད་ལས།། ཇི་ལྟར་དཀྱིལ་འཁོར་བསྐྱེད་བྱ་བ།། ངས་བསྟན་པ་ལ་གདོན་མི་ཟ།། ཉོན་ཅིག་གནོད་འདུལ་ལྷ་ཡིས་གཙོ།། འབྱུང་བ་སྤྲོ
iiif viewer powered by OpenSeadragon
