| e-texts navigator |
| Wylie |
165b1 དཀར་མོ་ལ་ཤེལ་གྱི་རལ་པ་ཅན། གསང་བའི་མཁའ་ཤེལ་གྱི་གའུར་འཁྱིལ་པ་མ་ཆགས་པའི་ཐབས་ལ་རོལ་པའོ།། གཅིག་ནི་རྟག་པའི་རྒྱལ་མོ་འོད་གསལ་བ་འབར་ཞེས་བྱ་སྟེ། སྐུ་མདོག་སྔོན་མོ་ལ་རིན་པོ་ཆེའི
165b2 ལན་ཕྲན་ཅན། གསང་བའི་མཁའ་རིན་པོ་ཆེའི་གའུར་འཁྱིལ་བ་མི་ལེན་པའི་ཐབས་ལ་རོལ་པའོ།། གཅིག་ནི་རྟག་པའི་རྒྱལ་མོ་གཉེན་གསལ་མ་ཞེས་བྱ་སྟེ། སྐུ་མདོག་དམར་མོ་ལ་བྱུ་རུའི་རལ་པ་ཅན། གསང་བའི
165b3 མཁའ་བྱི་རུའི་གའུར་འཁྱིལ་པ་གཉིས་སུ་མེད་པའི་ཐབས་ལ་རོལ་པའོ།། གཅིག་ནི་རྟག་པའི་རྒྱལ་མོ་ཡང་གསལ་གཡོས་ཞེས་བྱ་སྟེ། སྐུ་མདོག་ལྗང་གུ་ལ། རྡོ་རྗེའི་ལན་ཕྲན་ཅན། གསང་བའི་མཁའ་རྡོ་རྗེའི་གའུ
165b4 འཁྱིལ་པ་གྲུབ་པའི་ཐབས་ལ་རོལ་པའོ།། གཅིག་ནི་རྟག་པའི་རྒྱལ་མོ་བཀྲག་གསལ་མཉམ་ཞེས་བྱ་སྟེ། སྐུ་མདོག་ཅིར་ཡང་འགྱུར་བ་ལ། གཡུའི་ལན་ཕྲན་ཅན། གསང་བའི་མཁའ་གཡུའི་གའུར་འཁྱིལ་བ་གཉིས
165b5 མེད་བརྟེན་པའི་ཐབས་ལ་རོལ་པའོ།། འདི་ལྔ་ནི་མཁའ་བཞི་དབྱིངས་དང་ལྔ་ཞེས་བྱ་སྟེ། རིགས་ཀྱི་ཡུམ་ལྔ་བྱ་བ་ཡང་འདི་ཡིན། སེམས་ཅན་དུས་ཆེན་པོ་ལས་བབ་པ་ཡང་འདི་ལྔས་དབང་བྱེད་དོ།། ཚེའི་བདག
165b6 མོ་ཡང་འདི་ལྔ་ཡིན་ནོ།། སྲོག་ལས་དྲང་བའི་སྙིང་པོ་ནི། གྲི་སྭ་མུཾ་ཧཱུཾ་ཧ། ཛ་ལ་པ་ར་རཾ་ཧ། བྱིར་ཤ་སིདྷ་ཧ། བྱི་ཡཾ་ཡཾ་ཏེ་ཧ། མ་ཧཱ་ལཾ་ཏེ་ཧ། དེ་ལྟར་བདག་ཉིད་བསྒོམ་པ་ནི། དང་པོར་དེ་བཞིན་ཉིད་ཀྱི་ཏིང་ངེ་འཛིན
iiif viewer powered by OpenSeadragon
