| e-texts navigator |
| Wylie |
165a1 བསྔལ་མི་འབྱུང་བས།། མྱ་ངན་ལས་འདས་པ་ཞེས་ཀྱང་བྱའོ།། དེ་ལྟ་བུ་ལ་བླང་དོར་མེད་པས་ཀུན་ཏུ་བཟང་མོ་ཞེས་ཀྱང་དེ་ལ་བྱའོ།། འབྱུང་བ་ལྔ་སྐུ་ལ་རྫོགས་པས། འབྱུང་བའི་རྒྱལ་མོ་ཞེས་ཀྱང་དེ
165a2 ལ་བྱའོ།། དུས་བཞི་དབྱིངས་ལ་ཤར་བས། དུས་བཞི་ཆ་སྙོམས་མ་ཞེས་ཀྱང་དེ་ལ་བྱའོ།། སྐུ་སྟོད་ཀྱི་ཞལ་ནས་འབྱུང་བའི་རིགས་ལྔའི་སངས་རྒྱས་ཀྱང་། སྐུ་སྨད་ནས་བྱུང་བའི་གསང་བའི་བྷ་ག་ལ་རུབ་པས། རིགས
165a3 ཀྱི་ཡུམ་ཞེས་ཀྱང་དེ་ལ་བྱའོ།། སྦས་པའི་ཕྱག་གཉིས་ནས་ཀྱང་བདུད་རྩི་རྣམ་པ་ལྔའི་ལོངས་སྤྱོད་མངོན་དུ་མཛད་པས། བདུད་རྩིའི་རྒྱལ་མོ་ཞེས་ཀྱང་དེ་ལ་བྱའོ།། སྣང་སྲིད་ཐམས་ཅད་གཏན་ལ་འབེབས་པས། སྲིད
165a4 པའི་རྒྱལ་མོ་ཞེས་ཀྱང་དེ་ལ་བྱའོ།། སྐུ་གཅིག་ལ་མཚན་དགུ་མ་ཞེས་ཀྱང་དེ་ལ་བྱའོ།། དེ་ལ་ཐུགས་ནས་དྲང་བའི་སྙིང་པོ་ནི། ཉིད་གཞི་མུ་ཁ་ལེའི་ཀྲོ་ཤྭ་རཱི་བྷ་ག་པདྨརྱ་བདེ་ཀློང་འདུས་ན་སྙིང་ཛཿཤ་ཡུ་ཏི་ཧཱུཾ་བྷྱོ་བྷྱོ།།
165a5 ཡང་མ་མོ་ཞེས་བྱ་བ་ནི། མ་ནི་རྒྱལ་བ་ཀུན་གྱི་ཡུམ།། མོ་ནི་སྲིད་པ་ཀུན་གྱི་མ།། མ་ནི་སྐྱེ་བ་མེད་པའི་དབྱིངས།། མོ་ནི་འགག་པ་མེད་པའི་ཀློང་།། མ་ནི་ཐབས་མཆོག་རྟོག་མེད་མཁའ།། མོ་ནི་ཤེས་རབ་ཆགས་མེད
165a6 ཀློང་།། དེ་ལྟ་བུའི་ཡུམ་ཆེན་མོ་ལ་སྐུ་སྟོད་ནས་བྱུང་བའི་རིགས་ལྔའི་སངས་རྒྱས་དང་།། སྐུ་སྨད་ཀྱི་བྷ་ག་སྦྱོར་བ་མཛད་པའི་སྲས་མོ་ལྔ་ཡོད་དེ། གཅིག་ནི་རྟག་པའི་རྒྱལ་མོ་རྣམ་སྣང་གསལ་ཞེས་བྱ་སྟེ། སྐུ་མདོག
iiif viewer powered by OpenSeadragon
