| e-texts navigator |
| Wylie |
164a1 བཟུང་བས། འབྱུང་བ་ནམ་མཁར་བྱིན་གྱིས་བརླབས་ཏེ། དེ་བཞིན་གཤེགས་པའི་རིགས་སུ་གྱུར་ཏོ།། འབྱུང་བ་ལྔ་ཡང་དེ་ལྟར་བསྐྱེད་དོ།། རིགས་ལྔའི་སངས་རྒྱས་ཀྱང་དེ་ལྟར་བྱུང་ངོ་།། ཞལ་སོ་སོའི
164a2 བར་བར་ན་རལ་པ་སོ་སོའི་རིགས་དང་མཐུན་པར་སྣང་ངོ་།། ཙིཏྟ་རྩ་བ་གཅིག་ལ་རྩེ་མོ་ལྔར་སྣང་བ་ནི། རྩེ་མོ་ལྔ་ལས་རིགས་ལྔ་ཡེ་ཤེས་ལྔ་ཡང་དེ་ལས་ཤར་རོ།། རྩ་བ་གཅིག་ལ་ཆོས་སྐྱེ་བ་མེད་པའི་དབྱིངས་ཀྱང
164a3 དེ་ལ་འདུས་ཏེ། མི་ནུབ་པའི་རྒྱལ་མཚན་ཞེས་ཀྱང་གྲགས་སོ།། རྩེ་མོ་ལྔར་འབར་བ་ལས་སྲོག་གིས་བསྡུས་པའི་ཀུན་གཞི་ལ་སོགས་པའི་དྲན་པ་ཐམས་ཅད་ཀྱང་དེ་ལས་འབྱུང་ངོ་།། རྩ་བ་གཅིག་ལས་སེམས་ཅན་གྱི
164a4 རྟག་པ་ཆེན་པོ་ཡང་དེ་ལས་འབྱུང་ངོ་།། ཤར་ཕྱོགས་ཀྱི་གསང་བའི་མཁའ་གྲང་ལ་འདྲེད་པས་དགུན་དུ་བྱིན་གྱིས་བརླབས་སོ།། བྱང་ཕྱོགས་ཀྱི་གསང་བའི་མཁའ་རྩུབ་ལ་གྲང་བས། དཔྱིད་དུ་བྱིན་གྱིས་བརླབས
164a5 སོ།། ནུབ་ཕྱོགས་ཀྱི་གསང་བའི་མཁའ་གཤེར་ལ་རླན་པས་དབྱར་དུ་བྱིན་གྱིས་བརླབས་སོ།། ལྷོ་ཕྱོགས་ཀྱི་གསང་བའི་མཁའ་དྲོ་ལ་འཇམ་པས་སྟོན་དུ་བྱིན་གྱིས་བརླབས་སོ།། དུས་བཞི་ཡང་དེ་ལྟར་ཆགས་སོ།། ཆ
164a6 ཡང་དེ་ལྟར་སྙོམས་སོ།། སྐུ་སྟོད་ཀྱི་ཞལ་ནས་འབྱུང་བའི་རིགས་ལྔ་ཧེ་རུ་ཀའི་སངས་རྒྱས་རྣམས། སྐུ་སྨད་གསང་བའི་བྷ་གར་སྦྱོར་ཚུལ་ཕྱེད་ནུབ་ཙམ་དུ་བཞུགས་པས། སྐྱེ་བ་བཞིའི་རིགས་དྲུག་སོ་སོར་ཡང་དེར
iiif viewer powered by OpenSeadragon
