| e-texts navigator |
| Wylie |
163b1 གཤེར་ལ་རླན་པ་པདྨའི་བྷ་ག་ལ་བྱེ་རུའི་གེ་སར་ཅན་ནོ།། བྱང་ཕྱོགས་ཀྱི་ཞབས་གཉིས་ཀྱི་བར་ན་གསང་བའི་མཁའ་རྩུབ་ལ་གྲང་བ་སྟེ་གེ་སར་དཔལ་ཅན་ནོ།། དེ་ལྟར་མཁའ་བཞིས་སྐུ་བརྒྱན་པས།། དེ་བཞིའི་ཀློང
163b2 སྐུའི་གཏིང་ཁུང་དུ་བསྡུས་པ་ནི། གཡུའི་བདེ་ཀློང་ལ་ཆགས་པའི་གེ་སར་ཅན་ནོ།། ཟངས་ཀྱི་རལ་པ་འདབ་མ་སྟོང་དང་ལྡན་པ་ཞིག་ཡོད་དོ།། དེ་ལ་ཞལ་རྣམ་པ་ལྔ་ལ། ཤར་གྱི་ཞལ་དཀར་ལ་འཚེར་བ། མཆེ་བ
163b3 གཙིགས་པའི་ནང་ནས། ཤེལ་གྱི་རྡོ་རྗེ་རྩེ་དགུ་པ་འཛིན་པས་འབྱུང་བ་ས་རུ་བྱིན་གྱིས་བརླབས་ཏེ། སྐུ་རྡོ་རྗེའི་རིགས་སུ་གྱུར་ཏོ།། ལྷོ་ཕྱོགས་ཀྱི་ཞལ་སྔོ་ལ་གདངས་པ། མཆེ་བ་གཙིགས་པའི་ནང་ནས། ཀེ་ཀེ་རུ
163b4 འབར་བ་དགུ་འཛིན་པས། འབྱུང་བ་མེར་བྱིན་གྱིས་བརླབས་ཏེ། རིན་ཆེའི་རིགས་སུ་གྱུར་ཏོ།། ནུབ་ཕྱོགས་སུ་ཞལ་དམར་ལ་གདངས་པ། མཆེ་གཙིགས་པའི་ནང་ནས། པདྨ་དགུ་བརྩེགས་བཟུང་ནས། འབྱུང་བ
163b5 ཆུར་བྱིན་གྱིས་བརླབས་ཏེ། པདྨའི་རིགས་སུ་གྱུར་ཏོ།། བྱང་ཕྱོགས་ཀྱི་ཞལ་ལྡང་ལ་གདངས་པ། མཆེ་བ་གཙིགས་པའི་ནང་ནས། རྡོ་རྗེ་རྒྱ་གྲམ་དགུ་བརྩེགས་བཟུང་བས། འབྱུང་བ་རླུང་དུ་བྱིན་གྱིས་བརླབས་ཏེ་ལས
163b6 ཀྱི་རིགས་སུ་གྱུར་ཏོ།། ཐམས་ཅད་དེ་ལྟ་བུའི་དཀྱིལ་འཁོར་དུ་གྱུར་ཏོ།། དབུས་ཀྱི་ཞལ་སེར་ལ་ལྡེམ་པའམ། ཅིར་ཡང་འགྱུར་བ་མཆེ་བ་གཙིགས་པའི་ནང་ནས། གསེར་གྱི་འཁོར་ལོ་རྩིབས་སྟོང་དང་ལྡན་པ་ཞིག
iiif viewer powered by OpenSeadragon
