| e-texts navigator |
| Wylie |
162b1 གསལ་ལ་སོགས་ཏེ་ཡེ་ཤེས་ཀྱི་མཁའ་འགྲོ་མ་ལྔའི་དཀྱིལ་འཁོར་འཐོན་པར་གྱུར་ཏོ།། དེ་ནས་ཡུམ་ཆེན་མོ་མུ་ཁ་ལེས། བཅོམ་ལྡན་འདས་འཇིགས་བྱེད་ཆེན་པོ་རྡོ་རྗེ་ཧེ་རུ་ཀ་གཟིགས་ནས། སྤྱན་གྱིས་བརྡ་ཞིག
162b2 མཛད་ནས་ཞལ་གྱིས་འཛུམ་པ་ཕྱུང་བ་དང་། དེ་ནས་བཅོམ་ལྡན་འདས་རྡོ་རྗེ་ཧེ་རུ་ཀ། ཡུམ་གྱི་བྷ་ཧ་ལས་སྐུ་ཕྱེད་ནུབ་ཙམ་དུ་བཞེངས་ཏེ། རྣམ་པར་ཐར་པའི་དབུ་གསུམ་ཕྱུང་ནས་གཡུང་དྲུང་ལྷའི་རྒྱལ་པོ་ལྷ་གདོན
162b3 འདུལ་གཟིགས་ནས། ཞལ་འཛུམ་པ་མཛད་པ་དང་། དེ་ནས་བཅོམ་ལྡན་འདས་ཀྱི་བྱིན་གྱིས་བརླབས་ཀྱིས། ལྷ་གནོད་འདུལ་སྟན་ལ་འདུག་པར་གྱུར་ཏོ།། དེ་ནས་ཆགས་པའི་ཡིད་ཅན་དེ་དག་ཕྱོགས་ཕྱོགས་སུ་ཡང
162b4 ས་ལ་འདུག་པར་གྱུར་ཏོ།། དེ་ནས་ཡུམ་ཆེན་མོས་ལྷ་གདོན་འདུལ་གཟིགས་ནས། ལྗགས་ཀྱི་བརྡའ་ཞིག་མཛད་ནས། དེ་ནས་ལྷ་གདོན་འདུལ་སྟན་ལས་ལངས་ནས། བཅོམ་ལྡན་འདས་ལ་ལན་སྟོང་བརྐྱང་ཕྱག
162b5 འཚལ་ཞིང་། བག་བཞི་ས་ལ་བརྡབས་ནས་གསོལ་པ། འབྱུང་བ་ལྔ་ལ་སོགས་པ་ཡི།། མེ་ལ་སོགས་པ་ཇི་ལྟར་ལགས།། ས་ལ་སོགས་པ་ཇི་ལྟར་བྱུང་།། སྲིད་པའི་འཇིག་རྟེན་ཐམས་ཅད་ན།། མོ་དང་ཕོ་ཡི་མཚན
162b6 ཉིད་ནི།། གང་ཞིག་སུ་ལས་སྐྱེས་པ་སྟེ།། ཐབས་དང་ཤེས་རབ་སུ་ལས་སྐྱེས།། སེམས་ཀྱི་རྟག་ཆད་ཇི་ལྟར་བགྱི།། ཡེ་ཤེས་མང་པོ་གང་ནས་བྱུང་།། ཡེ་ཤེས་ལྔ་ཉིད་གང་ལས་ཤར།། སྤྲུལ་པ་མང་པོ་གང་ལས
iiif viewer powered by OpenSeadragon
