| e-texts navigator |
| Wylie |
161b1 མ་དཔྲལ་བར་གདབ།། མཚན་མ་དཔྲལ་བར་མི་གདབ་ཏུ།། དཔལ་ཆེན་ཀུན་དང་རང་རྟགས་གཅིག། པདྨའི་རཀྟའི་མཚན་མ་འདི།། སྨིན་མཚམས་བར་དུ་ཐིག་ལེར་དགོད།། ཞག་གིས་སོར་རིས་ཁ་འགྲམ
161b2 ལ།། བདུད་རྩི་རཀྟ་ཐུགས་ཀ་ལ།། ཨོཾ་ཀར་སིང་སིང་ཧ།། ཨོཾ་དཀར་སིང་དཀར་སིང་ཧ།། ཞེས་ཀུན་གྱིས་འདིར་རི་རི་བཟླས་ཤིང་ཀུན་ལ་གདབ་བོ།། རྡོ་རྗེ་རྒྱལ་པོ་རྒྱལ་ཐེབས་མངའ་གསོལ་ཞིང་མཆེད་ལ་མཚན་མ
161b3 གདབ་པའི་ལེའུ་སྟེ་བརྒྱ་བཞི་བཅུ་ཞེ་གཉིས་པའོ།། །། བསྟན་པ་བསྲུང་བའི་མན་ངག་ཐུགས་ཀྱི་ཡང་སྙིང་མ་མོ་འབུམ་ཐིག་འདི།། རྩ་བའི་རྒྱུད་ལ་ལེའུ་ཞེ་བརྒྱད་ཕྱི་མ་ལ་ལེའུ་དགུ་བཅུ་གོ་གཉིས།། འཕྱོང
161b4 གི་ལེའུ་གཉིས་ཏེ་བསྡོམས་པས་བརྒྱ་བཞི་བཅུ་ཞེ་གཉིས་པ་རྫོགས་སོ།། །། བཅོམ་ལྡན་འདས་དཔལ་ཧེ་རུ་ཀའི་རྒྱལ་པོ་ལ་ཕྱག་འཚལ་ལོ།། སྔོན་འདས་པའི་དུས་མ་བྱུང་བའི་སྔོན་རོལ་ནས། རི
161b5 རབ་རིའི་རྩེ་ལྷ་གཡུང་དྲུང་གི་གནས། བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པའི་དཔལ་ཧེ་རུ་ཀ་ཡིས། སྲིད་པ་ཐམས་ཅད་ཡུམ་གྱི་མཁའ་ལས་ཤར་བར་མཁྱེན་ནས། ཡུམ་ཆེན་མོ་ཉིད་གཞི་མུ་ཁ་ལེའི་མཁའ
161b6 བདེ་བ་ཆེན་པོའི་ཀློང་གསང་བའི་གནས་ནས། ཐིག་ལེ་ཆེན་པོའི་ཚུལ་དུ་བཞེངས་ནས། རྡོ་རྗེ་གསང་བའི་ཐུགས་ཀ་ནས། ཧཱུཾ་དཀར་པོ་ཞིག་ལས་གསང་བའི་དགྱེས་པའི་སྤྲོ་བསྡུ་རྒྱུན་མི་གཅོད་པར་སྐྱེ་བ་ལས། ཡུམ
iiif viewer powered by OpenSeadragon
