| e-texts navigator |
| Wylie |
161a1 གདབ་པའི་ཕྱིར།། རྩེ་ལྔ་འབར་བའི་ཕྱག་རྒྱ་འདི་རྣམས་ལ།། བདུད་དང་མུ་སྟེགས་དབང་དུ་སྡུས།། ཨོཾ་གུ་ཡ་ཧ་ཧ། ཞེས་བརྗོད་ལ་འབུལ་ལོ།། སྟག་ལྤགས་གཡང་གཞིས་མངའ་གསོལ་ལོ།། བདུད
161a2 བཞི་རྡུལ་དུ་རློག་པ་དང་།། ཕྲིན་ལས་རྣམ་བཞི་སྒྲུབ་པའི་ཕྱིར།། སྟག་ལྤགས་གཡང་གཞི་འདི་གསོལ་བས།། དཔལ་རྟུལ་ཟ་བྱེད་རྒྱན་དང་ལྡན་པར་ཤོག། ཨོཾ་གུ་ཡ་བྱཱ་གྷྲ་ཧཱུཾ། ཞེས་བརྗོད་ལ་སྐུ་ལ་གསོལ་ལོ།། དེ་ནས
161a3 ཡུམ་ལ་རྒྱན་ཆས་གསོལ་ཏེ། གཙོ་བོ་ལས་དང་མཐུན་ནོ།། དེ་ནས་ལས་ཀྱི་ཀར་མས་རྡོ་རྗེ་རྒྱལ་ཐེབས་ལ་རྒྱན་ཆས་གསོལ་ཏེ་འདི་སྐད་དོ།། ཧཱུཾ།། བཀའ་གསང་དམ་པའི་གནས་མཆོག་འདིར།། རྡོ་རྗེ་རྒྱལ་ཐེབས
161a4 གསན་ཅིང་དགོངས་སུ་གསོལ།། རྡོ་རྗེ་རྒྱལ་པོ་བསྙེལ་ཅིང་བསྙེལ་བའི་ཚེ།། ཐུགས་དམ་འཕྲོ་ནས་གཟུང་ནས་བསྐུལ་བའི་ཕྱིར།། རྒྱན་ཆས་གསུམ་གྱིས་མངའ་གསོལ་ལོ།། ཞྭ་དཀར་ཚིལ་ཆེན་དབུ་རྒྱན
161a5 དང་།། མཆོག་གི་ཕུར་བུ་བཅིང་བ་དང་།། དུང་ཆེན་ཕྲེང་བས་དབང་བསྐུར་ཏེ།། རྒྱན་ཆས་གསུམ་གྱིས་དབང་བསྐུར་བས།། བདུད་དང་མུ་སྟེགས་རྡུལ་དུ་རློག། དེ་ནས་མཆེད་བྱིངས་ལ་མཚན་མ་གདབ་པ་འདི་སྐད
161a6 དོ།། དུར་ཁྲོད་ཆེན་པོའི་གནས་བརྒྱད་དང་།། ཡེ་ཤེས་ཆེན་པོའི་ཀློང་དཀྱིལ་ནས།། དཔལ་ཆེན་ཀུན་དང་གཅིག་པ་དང་།། མ་མོ་གཡབ་ཀྱིས་གདབ་པ་དང་།། མཁའ་འགྲོ་དབང་དུ་བསྡུ་བའི་ཕྱིར།། ཐལ་ཆེན་མཚན
iiif viewer powered by OpenSeadragon
