| e-texts navigator |
| Wylie |
160a1 ཧོ།། ཞེས་ཕྱག་བྱའོ།། ཧཱུཾ། དགོངས་ཤིག་ཡེ་ཤེས་མངོན་རྫོགས་ལྷ།། ཡབ་ཡུམ་འཁོར་དང་བཅས་པ་རྣམས།། བདག་ཅག་རྣལ་འབྱོར་སྒྲུབ་པ་ལ།། དགྱེས་ཤིང་ཡེ་ཤེས་མདངས་ཕྱུང་ཞིག། བྱམས་པ
160a2 ཕྱོགས་མེད་སྤྱན་གྱིས་གཟིགས།། འཁོར་བའི་སེམས་ཅན་བདག་ཅག་རྣམས།། མ་རིག་འཁྲུལ་པའི་རང་དབང་གིས།། གཟུང་འཛིན་གཉིས་སུ་བཟུང་བས་ནོངས།། སྡིག་ལ་མ་འཛེམ་མི་དགེ་སྣ་ཚོགས་སྤྱད།། གྲིབ་མ
160a3 ངན་པས་ན་བུན་བཞིན་དུ་གཏིབས་ཤིང་མཆིས།། མི་གསང་མི་འཆབ་ཡེ་ཤེས་ལྷ་ལ་མཐོལ།། ཡེ་ཤེས་ལྷ་ཡིས་བཟོད་པར་བཞེས།། ཨ་ལ་ལ་ཧོ།། བརྡའ་སྒོ་དབྱེ་ཞིང་བཤགས་པ་བྱེད་པའི་ལེའུ་སྟེ་བརྒྱ་བཞི་བཅུ
160a4 པའོ།། །། ཧཱུཾ་རིན་ཆེན་ཨིནྡྲ་ནཱི་ལའི་བུམ་པ་རུ།། འབྲུ་བཅུད་སྟོང་ལས་སྦྱར་བའི་འཛའ་གད་དཔའ་བོས་གཏམས།། གཉིས་མེད་བྱང་ཆུབ་སེམས་ཀྱི་རང་བཞིན་ཏེ།། འཐུངས་པས་ཚིམས་པའི་ལོངས་སྤྱོད་ཆེན་པོ
160a5 འདི།། མཆོད་ནི་ཡེ་ཤེས་ལྷ་ལ་མཆོད།། སྐོང་ནི་མ་མོའི་ཐུགས་དམ་སྐོང་།། འབུལ་ནི་སློབ་དཔོན་ལྷ་ལ་འབུལ།། ཨ་ལ་ལ་སྟེ་བཞེས་སུ་གསོལ་ལོ།། བདུན་དུ་དྲང་ངོ་།། ཧཱུཾ། གཞོང་པ་ཟླ་གམ་དཀྱིལ་འཁོར་དུ།། ཚེ
160a6 དང་གལ་གཉིས་མཐུན་བསྡེབས་སོ།། དཀར་གྱི་ཐིག་དགྱེ་དམར་གྱི་གུར་ཕུབ་པ།། ལོངས་སྤྱོད་མཆོད་པ་ཆེན་པོ་འདིས།། འཕགས་པ་མཆོད་ལ་མ་མོ་སྐོངས།། ཨ་ལ་ལ་ཧོ།། ར་ཀ་ཏ་ཁྲག་གི་རྒྱ་མཚོའི་ཐིག་ལེ
iiif viewer powered by OpenSeadragon
