| e-texts navigator |
| Wylie |
14a1 གསེར་དངུལ་བཞུ་བ་བཞིན།། སྲིད་པའི་བསྐང་ལུང་ལས་རྩ་བ་ཆེན་པོའི་མདོ་འགྲེལ་གྱི་ལེའུ་སྟེ་དགུ་པའོ།། །། བསྐང་བའི་རིམ་པ་འདི་ལྟ་སྟེ།། རྣལ་འབྱོར་སྡོམ་ལ་མི་གནས་པས།། དེ་ཚེ་སྲིད
14a2 པའི་མ་མོ་འཁྲུག། མ་མོ་འཁྲུག་པའི་བྱད་བསྟན་པ།། ཡིད་དུ་མི་འོང་ཡ་འབྱུང་།། དེ་ལ་གོང་གི་བམ་གྱིས་བསྐང་།། ཧཱུཾ། ང་ནི་མ་མོ་ཀུན་གྱི་རྗེ།། ང་ནི་རྒྱལ་བ་ཀུན་གྱི་ཡབ།། ང་ནི་སྲིད་གསུམ་སྙིང་རྗེའི་མཆོག།
14a3 ཡི་བཀའ་ལས་མ་འདའ་ཞིག། ཧཱུཾ།། སྤྱི་གཙུག་གཡུ་ཡི་རྡོ་རྗེ་རྩེ་དགུ་འབར།། གཡུ་ཡི་རལ་པས་སྟོང་གསུམ་ཁེབས།། རིགས་ལྔའི་སངས་རྒྱས་དབུ་ལ་རྫོགས།། བདག་གི་གང་བའི་ཐིག་ལེ་ལས།། བླ་ན་མེད་པའི
14a4 ཡབ་ཡུམ་གཉིས།། ཕ་མ་མེད་པའི་སྔོན་དུ་བྱུང་།། སངས་རྒྱས་ཉིད་པས་ཤིན་ཏུ་བགྲེས།། འདི་ཡི་སེམས་དང་ཡུལ་གྱིས་སྐོང་།། གཉིས་མེད་སྦྱོར་བའི་འོད་ཟེར་ལས།། མཁའ་འགྲོ་བརྟན་འབར་སེམས་མའི
14a5 མཆོག། སེང་གེ་བརྗིད་པའི་དབུ་མངའ་བ།། སྤྲིན་དཀར་མཛེས་པའི་ན་བཟའ་ཅན།། འདི་ཡི་ཤ་ཡིས་ཐུགས་དམ་བསྐང་།། ཡུམ་དང་གཉིས་སུ་མེད་གྱུར་ཅིག། གཏི་མུག་ནད་རྣམས་ཞི་བར་མཛོད།། གཉིས་མེད་སྦྱོར
14a6 བའི་འོད་ཟེར་ལས།། མཁའ་འགྲོ་ཡང་གསལ་སེམས་མའི་མཆོག། འཕྱོ་བ་ཁྱུང་གི་དབུ་མངའ་མ།། ལྗང་ནག་འབར་བའི་ན་བཟའ་ནི།། ཕྲིན་ལས་ལྷུན་གྱིས་གྲུབ་པ་མོ།། འདི་ཡི་དབུགས་ཀྱིས་ཐུགས་དམ
iiif viewer powered by OpenSeadragon
