| e-texts navigator |
| Wylie |
13b1 མྱུར་དུ་སྒྲོལ།། བསྟིམས་ལ་དྲག་སྔགས་འབར་བས་གདབ།། ཧཱུཾ་ཙིར་དུང་ཏྲི་ཙར་ལས་ལ་ཆུམ་ཆུམ་སོད་རྦད་སྭཱ་ཧཱ། དེ་ནས་རྣོ་དཔལ་ཏྲི་རྩེ་ལ།། རྡོ་རྗེ་གདན་གྱིས་བསྒྲལ་བྱས་ཏེ།། དེ་ནས་མེ་ལོང་གཡས་གཡོན་གྱི
13b2 བར་དུ་སྲིན་མོ་རྐང་བཙུག་ལ་བསྒྲལ། ཧོམ་ཁུང་ནང་དུ་ཡུ་བ་གཟུག་ཟ་འོག་སྦུད་པས་གན་རྐྱལ་བསྟན།། ཙིཏྟ་དྲུང་ཕྱུང་ལྟོ་བར་གཞག། ཙིཏྟ་པཉྩ་ལྔ་རུ་བྱ།། རླངས་པ་ནམ་མཁའི་ཁམས་སུ་འཁྲིགས།། སྲིད་པ་མཚོ
13b3 བཞི་ལས་བྱ་ལུང་ལས་ཀྱི་རྒྱ་མཚོ་ལས་རྫས་ཀྱི་བཟློག་ཐབས་ཏེ་ལེའུ་བརྒྱད་པའོ།། །། ཕྲ་མེན་རྒྱ་མཚོས་ཡང་གསོལ་པ།། སྲིད་པའི་བསྐང་ལུང་ཇི་ལྟར་ལགས།། རྫོགས་སངས་རྒྱས་ལ་བདག་ཉན
13b4 འཚལ།། ཡང་དག་རྫོགས་ཀྱིས་བཀའ་སྩལ་པ།། རྩ་བ་ཆེན་མོ་མདོ་འགྲེལ་དང་།། ཉམས་ན་བསྐང་བའི་རིམ་པའོ།། རྩ་བ་ལ་ནི་འདི་ལྟ་སྟེ།། རྒྱལ་པོའི་བཀའ་རྟགས་རྗེས་སུ་ཐོབ།། དེ་ནི་སྐུ་ཡི་ས་མ་ཡ།། བསྐྱེད
13b5 རྫོགས་ས་བོན་རྒྱུན་མི་གཅད།། འདི་ནི་གསུང་གི་ས་མ་ཡ།། རིག་པའི་རྩལ་ནི་རྡོ་རྗེར་བསྒོམ།། འདི་ནི་ཐུགས་ཀྱི་ས་མ་ཡ།། རྫས་ཆེན་གནས་སུ་སྒྲུབ་པ་ནི།། འདི་ནི་ཡོན་ཏན་ས་མ་ཡ།། རྩེ་གཅིག་མཁའ་འགྲོ་འདུ
13b6 བྱེད་པ།། འདི་ནི་ཕྲིན་ལས་ས་མ་ཡ།། སྡོམ་པའི་དམ་ཚིག་རྣམ་ལྔ་པའོ།། འདི་ནི་ཡན་ལག་ས་མ་ཡ།། འདི་ནི་ས་གཞི་རྡོ་རྗེ་སྟེ།། འདས་ན་ཕུང་བྱེད་སྲེག་པར་འགྱུར།། ལྡན་ན་ཡོན་ཏན་གཏེར་དུ་འགྱུར།། བསྐང་ན
iiif viewer powered by OpenSeadragon
