| e-texts navigator |
| Wylie |
11b1 མཚོ་བཞི་ལས་ཏིང་ངེ་འཛིན་གྱི་རྩལ་གྱི་བཟློག་ཐབས་ཀྱི་ལེའུ་སྟེ་བདུན་པའོ།། །། མདངས་ཀྱི་བཟློག་པ་འདི་ལྟ་སྟེ།། བསྒྲལ་བ་དང་ནི་བཟློག་པའོ།། བསྒྲལ་བ་ལ་ནི་གསུམ་ཡིན་ཏེ།། འཁོར་ལོ་གསུམ་དང
11b2 བཤགས་པ་ལྔ།། སྦྱོར་བ་གསུམ་གྱི་བདག་ཉིད་དོ།། སྲིན་མོའི་གཟུགས་ཀྱི་ལིངྒ་ལ།། སྒྲོམ་བུ་བྷ་གའི་ཧོམ་ཁུང་དུ།། ཟ་འོག་རྐྱལ་པ་གསེར་མིག་ཅན།། ལྟས་ངན་ཀུན་གྱི་མིང་བྲིས་ལ།། དེ་ཡི་སྐེ་རུ་བཏགས་ནས
11b3 ནི།། སྲོ་ཙ་ན་ཡི་ཟག་པས་བཏགས།། འབྲུ་སྣ་ལྔ་ལ་བྱས་པའི་གཟུགས།། པུ་ཏྲ་ཟླ་བ་ལོན་པ་ལ།། མགོ་བོ་བྱ་ཡི་མགོ་བོ་ལ།། ལུས་ལ་ལྟས་ངན་སྤུ་ཡིས་བརྒྱན།། ལག་པ་གཡས་སུ་འགྱོག་ཕུར་ལ།། གཡོན་པ་མཆོག
11b4 གི་ཕུར་པའོ།། རྐང་པ་གཡས་པ་ཐོག་ཕུར་ལ།། གཡོན་པ་ཤིང་བུའི་མཆོག་ཕུར་རོ།། དེ་ཡི་ལག་ཏུ་གོང་མ་གཏད།། དེ་ཡི་གནས་ལྔར་དགོད་པ་ནི།། ས་བོན་ལྔ་ནི་དགོད་བྱས་ཏེ།། དེ་ཡི་སྟེང་དུ་དགོད་བྱ་བ།། རལ་གྲི
11b5 ས་བོན་ལྔ་ཡིས་སྦྱངས།། མར་མེ་ལྔ་ཡིས་གནས་ལྔར་མཚོན།། སྟོང་པ་ལྔ་དང་མཉེས་པ་ལྔ།། གྲུབ་པ་ལྔ་ཡང་དེ་བཞིན་དུ།། རྟོག་པ་ལྔ་ཡང་ཡང་དག་ལྡན།། དེ་ལྟར་སྦྱངས་ནས་བཟློག་པར་བྱ།། ཧཱུཾ། བདག་ཉིད་ཆེ
11b6 མཆོག་ཧེ་རུ་ཀ། དབུ་ནི་ཉི་ཤུ་རྩ་གཅིག་ལ།། ཕྱག་ནི་བཞི་བཅུ་རྩ་གཉིས་ལ།། སངས་རྒྱས་བཞི་བཅུ་རྩ་གཉིས་བསྣམས།། དུར་ཁྲོད་རྒྱན་གྱིས་བརྒྱན་པ་ལས། ཁྲོ་ཚུལ་དྲུག་ཅུ་རྩ་གཅིག་སྦྲུལ།། དབུ་ལ་ཁྱུང་ཆེན
iiif viewer powered by OpenSeadragon
