| e-texts navigator |
| Wylie |
11a1 གཞི་དབྱིངས་ནས་རང་བཞིན་འཆར་མཛད་མ།། རྒྱལ་མོ་བཞི་ཡི་ཚོགས་ལ་བཟོད་པར་གསོལ།། འཇིག་རྟེན་ཐོག་དང་སེར་བའི་སྣ་འདྲེན་མ།། གདོང་མོ་བཞི་ཡི་སྐུ་ལ་བཟོད་པར་གསོལ།། བྱ་ལུང་རྒྱ
11a2 མཚོ་ལས་སེར་མོའི་མདོས་སྐོང་བསྟན་པའི་ལེའུ་སྟེ་དྲུག་པའོ།། །། ཕྲ་མེན་རྒྱ་མཚོས་ཡང་གསོལ་པ།། བཟློག་པའི་ལས་རྣམས་བཤད་དུ་གསོལ།། ཡང་དག་རྫོགས་པའི་དོན་གསུངས་པ།། བཟློག་པ་ལ་ཡང
11a3 གཉིས་ཡོད་དེ།། ཏིང་འཛིན་རྩལ་གྱིས་བཟློག་པ་དང་།། སྲིད་པའི་མདངས་ཀྱིས་བཟློག་པའོ།། ཏིང་འཛིན་རྩལ་ལ་འདི་ལྟ་སྟེ།། ཡུལ་དང་དངས་མ་རྩ་གསུམ་ལས།། སྲིད་པའི་མདོག་གསུམ་རང་བཞིན་ཤར།། དང
11a4 པོ་ལྔ་གཉིས་གསུམ་དུ་ལྡན།། གཉིས་པ་ལྔ་གསུམ་གསུམ་པར་སྣང་།། གསུམ་པ་བཅུ་ཚན་ལྔ་དང་དྲུག། བཞི་པ་བཞི་ཉིད་གར་དུ་འཕྱོ།། ནམ་མཁའ་ཚངས་པའི་བུ་ག་ནས།། སྐར་མདའ་འབབ་པའི་ཚུལ་འཕྲོས
11a5 པས།། ལས་ཀྱི་བ་དན་བསྐུལ་བྱས་ནས།། སྲིད་པའི་བསྐལ་པ་འོད་འབར་བས།། རྩ་ཡི་མཁའ་འགྲོ་འོད་དུ་འབར།། འོད་ཟེར་ལྔ་བཅུ་དྲུག་ཏུ་འགྲོས།། དྭངས་མའི་མཁའ་འགྲོ་ཐིག་ལེ་འབར།། བཅོ་བརྒྱད་འོད་ཀྱི
11a6 ཟེར་འཕྲོས་པས།། ཡུལ་གྱི་མཁའ་འགྲོ་གནས་སུ་ཐིམ།། བཅུ་གསུམ་འོད་ཟེར་མཁའ་ལ་འཕྲོས།། ཕུང་པོ་སྒྱུ་མ་གནས་སུ་བསྒྲལ།། ཕོ་བྲང་གསུམ་གྱི་དཀྱིལ་འཁོར་དུ།། དུག་གསུམ་རྩ་བ་རྩད་ནས་བཅད།། སྲིད་པ
iiif viewer powered by OpenSeadragon
