| e-texts navigator |
| Wylie |
104a1 མ་མོ་བྱང་ཆུབ་ཀྱི་སེམས་གསང་བའི་རྒྱུད། བཅོམ་ལྡན་འདས་དཔལ་ཧེ་རུ་ཀ་ཡབ་མངོན་རྫོགས་ཀྱི་རྒྱལ་པོ་ལ་ཕྱག་འཚལ་ལོ།། སྔོན་འདས་པའི་དུས་མ་བྱུང་བའི་མངོན་རོལ་ནས། ཡབ་ཀྱི་སྐུ་ཆེ
104a2 བའི་ཡོན་ཏན་གྱི་དགྲ་བགེགས་མནན་ཅིང་གཟིར་བའི་ཕྱིར། འབྱུང་བ་ལྔའི་དབྱིངས་ལས་བསྐྱེད་པའི་བུད་མེད་བཞི་དང་། ཐུགས་ལས་བསྐྱེད་པའི་མ་མོ་དང་། དབྱིངས་ལས་བསྐྱེད་པའི་མ་མོ་དང་། མཁའ་ལས
104a3 བསྐྱེད་པའི་མ་མོ་དང་། ཡི་དམ་བསྒོམ་ལེགས་མ་མོའོ།། འདས་པ་དང་མ་བྱུང་བའི་ལེའུ་སྟེ་ཞེ་དགུ་པའོ།། །། རི་རབ་རྩེ་ལ་གཡུང་དྲུང་གི་གནས་ནས། ཐིག་ལེ་ཆེན་པོའི་ཚུལ་དུ་བཞུགས་སུ་གསོལ། ཡབ
104a4 མངོན་རྫོགས་ཀྱི་རྒྱལ་པོས་འབྱུང་བ་ལྔ་སྲིད་པའི་རྒྱུར་བཤིག་ནས་སྐྱེ་འགྲོ་ཐམས་ཅད་དེ་ལས་ཤར་བར་མཁྱེན་ཏེ། ཡབ་མངོན་རྫོགས་ཀྱི་རྒྱལ་པོས། ཐིག་ལེ་ཆེན་པོ་ཡེ་ནས་མཉམ་པ་ལས། ཡེ་ནས་མཉམ་པའི་སླད
104a5 བཞིན་དུ། འབྱུང་བ་ལྔ་ཡེ་ནས་སངས་རྒྱས་པར་མཁྱེན་ཏོ།། འབྲས་བུ་བྱང་ཆུབ་སེམས་སུ་ལ་བཟླའོ།། བྱང་ཆུབ་སེམས་སུ་ལ་བཟླ་བའི་ལེའུ་སྟེ་ལྔ་བཅུ་པའོ།། །། ཀུན་གཞི་ཡོངས་སུ་གཏན་ལ་དབབ་པ་ནི།།
104a6 མ་མོ་ལྟ་བ་བྱང་ཆུབ་ཀྱི་སེམས་དང་། མ་མོ་སྤྱོད་པ་བྱང་ཆུབ་ཀྱི་སེམས་དང་། མ་མོ་བསྒྲུབ་པ་བྱང་ཆུབ་ཀྱི་སེམས་དང་། མ་མོ་བསྒོམ་པ་བྱང་ཆུབ་ཀྱི་སེམས་དང་། མ་མོ་སྨོན་པ་བྱང་ཆུབ་ཀྱི་སེམས་དང་། མ་མོ་རྒྱུ་བྱང
iiif viewer powered by OpenSeadragon
