| e-texts navigator |
| Wylie |
103b1 བཞི་པོ་ལ། ཁྲོས་པའི་དབང་ཆེན་བཞི་པོ་བྲིས།། གསང་བའི་ཡུམ་བཞི་ཀླད་པའི་རྒྱས།། ཉི་ཟླ་ཐོད་ཕྲེང་སྙིང་གི་དཀྱིལ།། ཕྲ་མེན་རྒྱ་མཚོ་མཁལ་མ་ལ།། ཡེ་ཤེས་ཚོགས་ཀྱི་རྗེ་མོ་ནི།། ཕུད་ཀྱི་བདག་མོར་བཞུགས་སུ
103b2 གསོལ།། ཕྱི་མ་སྨན་མོའི་ཚོགས་རྣམས་ནི།། གདུང་རྩིབ་ཁར་དང་ཀོ་རེའོ།། ཨ་ཕྱི་ཆེན་མོ་རྒྱངས་པའོ།། དུས་དྲུག་རྒྱུ་བའི་དགྲ་བོ་ནི།། ཤ་བ་གཉེན་དང་བ་གླང་ངོ་།། འདི་ནི་ནམ་གྱི་གུང་ལ་རྒྱུ།། རྟ་དང་ལུག་ནི་ར
103b3 དང་གསུམ།། དེ་ནི་ཉི་མའི་གུང་ལ་རྒྱུའོ།། རྗེ་ཁོལ་དྲུག་ཅུ་རྩ་བདུན་ནི།། དུས་དྲུག་རྒྱུ་བ་དེ་བཞིན་ནོ།། མྱུར་དུ་བསྒྲལ་བའི་ངན་སྔགས་རྣམས།། གོང་གི་སྔགས་རྣམས་བཟླས་པ་ཡིས།། དགྲ་བོའི་གཟུགས་ལ་བརྡེག
103b4 པར་བྱ།། གཡོན་གྱི་དམེ་ལག་བཅད་ནས་ནི།། རང་གི་དཔྲལ་བའི་དབུས་སུ་བཞག། བདུད་ཀྱི་ཆས་སུ་ཞུགས་ནས་ནི།། སྐྲ་བཤིག་མིག་ནས་མཆི་མ་ཕྱུང་།། དེའི་ཕྱོགས་ཉིད་དུ་བསྟན་པས་ནི།། ང་རོ་དྲག་ཏུ་བསྒྲགས
103b5 ནས་ནི།། གཡས་པའི་ཕྱག་རྒྱ་སྡིགས་མཛུབས་ཀྱིས།། སྔགས་འདི་དྲག་ཏུ་བཟླས་ལ་བརྡེག། སྙིང་ལ་ཟ་བ་རྩིབས་མ་ཤ་ལ་རོལ། ཁྲག་ལ་འཐུང་། ཀང་ཀ་ཤ་ཟན། ཡཾ་ཏཾ་ཕར་ལ་ཏོ། ཤ་ལ་ཀྱི་སྦྱང་། ཀྲང་ཧེ་ཀྲང་ཧེ
103b6 བཛྲ་བྷནྣ། བྷྱོ་རུ་ལུ་རུ་ལུ་ཧཱུཾ་བྷྱོ་ཧཱཾ། ཞེས་བརྡེག་གོ་ཁྲག་སྐེམས་ཀྱི་ལེའུ་སྟེ་ཞེ་བརྒྱད་པའོ།། །། རྩ་བའི་རྒྱུད་རྫོགས་སོ།། @#། རྒྱ་གར་སྐད་དུ། མ་ཧཱ་བོ་དྷི་ཙིཏྟ་གུ་ཧྱ་ཏནྟ། བོད་སྐད་དུ།
iiif viewer powered by OpenSeadragon
