| e-texts navigator |
| Wylie |
102b1 ནི།། གཟུགས་དེ་ཉིད་ལ་ཚམ་རྔམས་བྱ།། དྲག་ཤུལ་དབང་གིས་བསྐྱོད་ལ་བཏང་།། དེ་ལྟར་དྲག་ཤུལ་གྱི་སྨན་མོ་རྣམས་དབང་དུ་བསྡུས་ལ་བཏང་ངོ་།། དེ་ལྟར་བྱས་ན་ལས་མི་འགྲུབ་མི་སྲིད་དོ།། འདི་རམ་བུ་གུ་ཧྱ་དེ
102b2 བ་ཙནྡའི་ཐུགས་ཀྱི་མན་ངག་གོ། བསྡམས་པའི་ཕྱག་རྒྱ་བཀྲོལ་ནས་ནི།། བྲིག་ཤའི་ལྕགས་ཀྱིས་བསྡམས་ནས་ནི།། བེང་གི་ཕྱག་རྒྱ་བཅིངས་ནས་ཀྱང་།། རྡོ་རྗེ་གནོན་འགྲོས་གོམ་པ་ཡིས།། ཕྱོགས་དེར་བདུན་དུ
102b3 འགྲོ་བའོ།། ཡབ་ཡུམ་སྔགས་ཀྱིས་བཏབ་ནས་ནི།། བེང་གི་ཕྱག་རྒྱ་དྲག་བསྒྱུར་ནས།། དེས་ནི་མོད་ལ་ལས་རྣམས་འགྲུབ།། ལན་གསུམ་བྱས་ན་ན་བར་འགྱུར།། ལན་ལྔ་བྱས་ན་འཆི་བར་འགྱུར།། ལན་གསུམ་པར
102b4 དུ་དྲིལ་ནས་ནི།། སྙིང་གི་ཕུར་བུ་ཕྱུང་ནས་ནི།། སྤྱི་བོའི་གཙུག་ཏུ་གདབ་པར་བྱ།། ལྕགས་སྣ་ལྔ་ཡི་ཕུར་བུ་ལ།། དབང་དྲག་ལས་རྣམས་གཞུང་བཞིན་བྱ།། དེས་ནི་ངེས་པར་གདོན་མི་ཟ།། མོན་ནམ་རབས་ཆད་ཐོད
102b5 པ་ལ།། ནང་དུ་མ་བདུན་སྙིང་པོ་བྲི།། སྤྱི་གཙུག་ཉི་ཟླ་ཐོད་ཕྲེང་བྲི།། ཆགས་འཛིན་སྤུན་གཉིས་རྣ་ལྟག་གོ།། ཚོན་སྐུད་གཉིས་ཀྱི་མིང་ནས་གདགས།། རཀྵ་རུ་ཏའི་སྔགས་ཀྱིས་གདབ།། བེང་གི་ཕྱག་རྒྱ་གཉིས་བསྒྲིལ
102b6 ཏེ། དྲག་ཏུ་བསྐུལ་ཏེ་འཕངས་ལ་བཏང་།། ལས་རྣམས་འགྲུབ་པར་གདོན་མི་ཟ།། ཞིང་གི་ཤ་ཚིལ་རས་རོས་ཀྱིས།། མ་མོ་རྣམས་ལ་གཏང་རག་གཏོང་།། མྱུར་དུ་བཟློག་ཅིང་བསད་པའི་ལེའུ་སྟེ་ཞེ་བདུན
iiif viewer powered by OpenSeadragon
