| e-texts navigator |
| Wylie |
102a1 དྲག་གཡོས་པ།། ངན་སྔགས་ཕུར་བུས་བཟློག་པའི་ལེའུ་སྟེ་ཞེ་དྲུག་པའོ།། །། གཡུང་དྲུང་ལྷ་ཡིས་ཡང་གསོལ་པ།། དབང་པོའི་ཐིག་ལེ་ཉམས་པ་དང་།། ཐིག་ལེའི་སྤྱོད་པ་ཉམས་པ་རྣམས།། མྱུར
102a2 དུ་བཟློག་ཅིང་གསད་པའི་ཕྱིར།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། སླར་ལ་བཟློག་ཅིང
102a3 གསད་པའི་ཕྱིར།། ངེས་པའི་མན་ངག་འདི་བསྟན་གྱིས།། ཉོན་ཅིག་གཡུང་དྲུང་ཡང་དག་པ།། ངན་བསྟན་པ་ལ་ཐེ་ཚོམ་མེད།། རྟགས་དང་མཚན་མ་བྱུང་བའི་ཚེ།། བསྡམས་པའི་ཕྱག་རྒྱ་བཀྲོལ་ནས་ནི།། དགྲ་དེའི
102a4 ཡུལ་ཕྱོགས་བསྟན་ནས་ནི།། གྲོ་ག་ཤིང་ཤུན་ར་སོག་ལ།། མི་དེའི་མིང་བྱང་བྲིས་ནས་ནི།། དེ་ཡི་ལག་ཏུ་བསྐུར་ནས་ནི།། ཤུགས་སྒྲོལ་མ་ཡི་སྔགས་ཀྱིས་གདབ།། ཁྲག་དང་དུག་གི་གཏོར་མ་ཡང་།། རབས་ཆད་ཐོད
102a5 པར་བཤམས་ནས་ཀྱང་།། ཡུལ་པ་དེ་ཡི་ཕྱོགས་སུ་གཏོར།། ལས་རྣམས་ངེས་པར་གདོན་མི་ཟ།། སྙིང་གི་ཕུར་བུ་ཕྱུང་ནས་ནི།། ཨ་མྲྀ་ཏ་ཡིས་མཆོད་བྱས་ནས།། དམ་རྫས་གཙང་མའི་གཏོར་མ་ལ།། ཀུ་ས་ར་ཡི
102a6 རཀྟས་བྲན།། གང་ཡིན་དེ་ཡི་ཕྱོགས་སུ་ཁ་བལྟས་ཏེ།། གཙོ་འཁོར་གཞུང་བཞིན་བསྐུལ་ནས་ནི།། ལུས་ཀྱང་གསིག་ཅིང་ཕྱག་རྒྱ་བསྡམ།། བདག་ཉིད་དབང་གི་སྐུར་བསྒོམས་ཏེ།། དབང་དྲག་ཕྱག་རྒྱ་བཅིངས་ནས
iiif viewer powered by OpenSeadragon
