| e-texts navigator |
| Wylie |
101b1 བྱ།། དེས་ནི་མཚན་མ་བཟློག་པར་འགྱུར།། དེ་ནས་བསྒྱུར་ཏེ་ཡང་གསུངས་པ།། བསྐང་བ་དེས་ཀྱང་མ་སྐོངས་ན།། དབང་གི་རྒྱལ་པོའི་སྐུར་བསྒོམས་ལ།། རྩ་བ་གང་ཡིན་མ་མོ་དེ།། ཀུ་ཤ་དག་ལ་གཟུགས་བྱས
101b2 ལ།། འདའ་ར་པ་ཏིའི་རྒྱུརྒྱས་པས་གདགས།། ཡེ་ཤེས་མ་མོ་བཅུ་བཞི་ཡང་།། ཆེ་མཆོག་ཧེ་རུ་ཀའི་སྐུར་བསྒོམས་ཏེ།། མགོ་ལུས་བསྣོལ་ཏེ་གདན་དུ་གདིང་།། དེས་ནི་ངན་སྔགས་ཟློག་པར་འགྱུར།། གལ་ཏེ་ལས་སུ་མ
101b3 གྲུབ་ན།། བརྟགས་ཏེ་རྩ་བ་གང་ཡིན་པ།། ཤོག་ཤོག་དག་ལ་གཟུགས་བྱས་ཏེ།། མཆོག་གི་ཕུར་བུས་གསང་བར་བརྡེག། སྨན་མོ་ལྔ་བཅུ་རྩ་གསུམ་ཡང་།། འཛག་མ་དག་ལ་གཟུགས་བྱས་ཏེ།། ཟངས་ཀྱི་ཕུར་བུ
101b4 དམར་པོས་བརྡེག། དབུས་ཀྱི་མ་མོ་བཅུ་གསུམ་ཡང་།། ཞིང་གི་ཤུན་པ་རས་མ་ལ། ཁྲག་དང་མཚལ་གྱིས་གཟུགས་བྲིས་ཏེ།། གསེར་རམ་སེར་པོའི་ཕུར་པས་གདབ།། དེས་ནི་ངན་སྔགས་ཟློག་པར་འགྱུར།། གལ་ཏེ
101b5 ལས་སུ་མ་གྱུར་ན།། དབུས་ཀྱི་ཆེ་མཆོག་ཡབ་ཡུམ་གཉིས།། སྒྲ་ཚིལ་དག་ལ་གཟུགས་བྱས་ཏེ།། ལྕགས་སམ་ནག་པོའི་ཕུར་པ་ཡིས།། ཐུགས་ཀ་ཉིད་དུ་གདབ་པར་བྱ།། ལས་རྣམས་འགྲུབ་པར་གདོན་མི་ཟ།། ཆོས
101b6 ཉིད་དབྱིངས་སུ་གདབ་པར་བྱ།། ཆེ་མཆོག་རྟགས་ཀྱི་ཕྱག་རྒྱས་བརྡེག། འགྱུར་མེད་དབྱིངས་སུ་རྒྱས་གདབ་བོ།། དམ་ཚིག་འདས་པའི་སྔགས་གཟེར་དང་།། འཇིག་རྟེན་མཚན་མ་བྱོལ་བ་དང་།། ལྷ་འདྲེ་རྫུ་འཕྲུལ
iiif viewer powered by OpenSeadragon
