| e-texts navigator |
| Wylie |
101a1 པའོ།། །། རྡོ་རྗེ་སེམས་དཔས་ཡང་གསོལ་པ།། དམ་ཚིག་འདས་པའི་སྔགས་གཟེར་དང་།། འཇིག་རྟེན་མཚན་མ་བྱོལ་བ་དང་།། ལྷ་འདྲེ་རྫུ་འཕྲུལ་དྲག་གཡོས་དང་།། ངན་སྔགས་རྫུ་འཕྲུལ་གྱི
101a2 ལྟར་བཟློག། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། དམ་ཚིག་འདས་པའི་སྔགས
101a3 གཟེར་དང་།། འཇིག་རྟེན་མཚན་མ་བྱོལ་བ་དང་།། ལྷ་འདྲེ་རྫུ་འཕྲུལ་དྲག་གཡོས་དང་།། ངན་སྔགས་རྫུ་འཕྲུལ་བཟློག་པ་ནི།། ཟློག་པའི་ལས་རྣམས་ངས་བསྟན་གྱི།། ཉོན་ཅིག་རྡོ་རྗེ་སེམས་དཔའི་གཙོ།། ངས
101a4 བསྟན་པ་ལ་ཐེ་ཚོམ་མེད།། ངན་སྔགས་ཕུར་བུས་བཟློག་པའི་ཕྱིར།། གཏན་ཚིགས་མན་ངག་འདི་གསུངས་སོ།། བ་ཀོ་འདྲ་བའི་མཎྜལ་བྱ།། སྤང་སྐོང་མཎྜལ་གཞུང་བཞིན་བྱ།། ཚྭ་ཚྭ་ཙ་ཏི་མང་དུ་གདབ།། ཕྱི་ཡི
101a5 བཤགས་པ་མང་དུ་བྱ།། དེ་ནས་གསད་པའི་མཚམས་བཅད་དེ།། ལས་ཀྱི་དཀྱིལ་འཁོར་གཞུང་བཞིན་བྱ།། ནང་གི་སརྦ་དུ་བ་བཏང་།། བསྐང་གསོ་སྤང་སྐོང་མང་དུ་གདོན།། བསྐང་བའི་གནས་ལྔ་གཞུང་བཞིན
101a6 བྱ།། མ་ཧཱ་ཤནྟི་ཆོ་ག་བྱ།། མ་མོར་གྲགས་པ་ཀུན་ཀྱང་བསྐང་།། ཡོ་བྱད་ནག་མོ་གཞུང་བཞིན་བཏང་།། རྟགས་དང་མཚན་མ་ཞིབ་ཏུ་བརྟགས།། རྟགས་དང་མཚན་མ་ཟིན་པ་དང་།། བསྐང་བཟློག་ཆོ་ག་བརྩམས་པར
iiif viewer powered by OpenSeadragon
