| e-texts navigator |
| Wylie |
98b1 པ། ལུང་བཞི་དོན་གྱི་གཏན་ཚིགས་འདི་ལྟ་སྟེ། གནས་པ་རྩའི་ལུང་། བཀོད་པ་ཐིག་ལེའི་ལུང་། གཡོ་བ་རླུང་གི་ལུང་། རིག་པ་སེམས་ཀྱི་ལུང་དང་བཞི་རུ་བཤད་དོ།། དེ་ནས་ཁྱེའུ་མེ་ཏྲི་ཆུང་ངུས་བཤད་པ། མན་ངག
98b2 ཉིད་ན་ཚིག་གི་དོན་ཡོད་པ།། ཚིག་གི་དོན་གཅིག་རྒྱལ་བས་བཤད་དུ་གསོལ།། ཞེས་ཞུས་པ་ལ། དེ་ནས་ཕྱག་ན་རྡོ་རྗེས་གསུངས་པ། རྒྱུད་ཀྱི་དོན་འདི་མན་ངག་ཉིད་དུ་དགྲོལ།། མན་ངག་དོན་གྱི་ངོ་བོ་འདི་ལྟ
98b3 སྟེ།། པྲ་ཁྲིད་ལག་ཆ་གབ་པ་སྡེ་གསུམ་དང་།། མ་བཞི་གཅོད་པའི་འཁོར་ལོ་ཉིད་དུ་བཤད།། མེ་ཏྲི་ཆུང་ངུས་གསོལ་པ། གབ་པ་སྡེ་གསུམ་དོན་ནི་ཇི་ལྟ་བུ།། མ་བཞི་གཅོད་པའི་འཁོར་ལོ་ཇི་ལྟར་ལགས།། ཞེས
98b4 བསྙད་པ་ལ། ཕྱག་ན་རྡོ་རྗེས་གསུངས་པ། གབ་པ་སྡེ་གསུམ་དོན་ནི་འདི་ལྟ་སྟེ། གཏིང་དཔག་མེད་པའི་འཁོར་ལོ་ལ་གབ་པ་དང་། བསྲེག་པ་མེའི་འཁོར་ལོ་ལ་གབ་པ་དང་། མཁའ་ཀློང་ཐུན་གྱི་འཁོར་ལོ་ལ་གབ་པ
98b5 དང་། གཅོད་པ་འཁྲུལ་འཁོར་ལས་ལ་གབ་པ་དང་བཞི་རུ་བཤད། གཙོ་འཁོར་གླེང་དུ་བསླང་བའི་ལེའུ་སྟེ་བཞི་པའོ།། །། སྤྲུལ་པ་རྒྱན་གྱི་དོན་ནི་འདི་ལྟ་སྟེ།། རཱ་ཏྲ་བསྒྲལ་བའི་ས་གཞི་ལ།། ཁྲག་གི་རྒྱ་མཚོ་གྲུ
98b6 གསུམ་སྟེ།། ལྷ་མ་ཡིན་གྱི་གཟུགས་སྣང་སྟེ།། སྲོག་རྩ་དམར་པོ་སྤྱི་ནས་དྲངས།། རྡོ་རྗེ་སྤྲུལ་པ་བྱ་ཁྱུང་གིས།། བསྒྲལ་བའི་ཚུལ་དུ་གནས་པ་སྟེ།། དེ་ནས་ཆེ་མཆོག་ཧེ་རུ་ཀས།། ཡུམ་གྱི་དབུ་རུ་སྐུ་སྟོན་ཏེ།། དབུ་ཡི
iiif viewer powered by OpenSeadragon
