| e-texts navigator |
| Wylie |
98a1 རྩིབས་བཞི་མུ་ཁྱུད་དབུ་ལ་ལན་ལྔ་རུ་བསྐོར་ཏེ། དུག་ལྔ་འཇོམས་པར་བྱེད་པའི་ཡེ་ཤེས་ལྔའི་དོན་དགོངས་པས་ཞུས་པ་ལས། མངོན་རྫོགས་རྒྱལ་པོས་ཡི་གེ་ཧ་ལྔའི་དོན་གསུངས་ཏེ། བི་ས་མུ་རན་ཧཱུཾ
98a2 ཧ། ཛ་ལ་པ་ར་མ་ཧ། བི་ཤ་སན་ཏེ་ཧ། མ་ཧཱ་ལང་ཏེ་ཧ། བི་ཡང་ཡང་ཏེ་ཧ། དེ་ནས་ཕྱག་ན་རྡོ་རྗེས་ལྷ་མ་ཡིན་གྱི་རྒྱལ་པོ་ཐགས་ཟངས་རིས་ཀྱིས་ཉོན་མོངས་པའི་བག་ཆགས་ལྔ། འབྱུང་བ་ལྔའི་བག་ཆགས་ཀྱིས་སྦྱང
98a3 བར་མཁྱེན་ནས། དེ་ནས་ཕྱག་ན་རྡོ་རྗེས་རཱུ་ཏྲའི་ཙིཏྟ་བཅུ་གཅིག་རིན་པོ་ཆེའི་འོད་འབར་བར་སྤྲུལ་ནས། མངོན་རྫོགས་རྒྱལ་པོ་ལ་བསྟབས་ནས་ཕུལ་ལོ།། དེ་ནས་ཕྱག་ན་རྡོ་རྗེ་ལྕང་ལོ་ཅན་གྱི་ཚལ་ན་བཞུགས་པ་ལ
98a4 ལྷོའི་འཛམ་བུ་གླིང་གི་ནུབ་ཕྱོགས་རི་ནག་པོ་ཧ་ས་ཞེས་བྱ་བ་ལ། སྤྱན་རས་གཟིགས་དབང་ཕྱུག་གི་སྤྲུལ་པ། ཁྱེའུ་མ་ཏྲི་ཆུང་ངུ་ཞེས་བྱ་བ། སྲིད་པའི་ཕོ་རྒྱུད་མོ་རྒྱུད་ཐམས་ཅད་སྐྱེ་བའི་རིགས་སོ་སོར་འབྱེད་ཤེས་པ
98a5 ཞིག་བྱུང་སྟེ།། དེས་ཕྱག་ན་རྡོ་རྗེ་ལ་ཞུས་ཏེ།། ལུང་བཞི་མན་ངག་མཁྱེན་པའི་སྟོན་པ་པོ།། ད་ལྟ་དགོངས་སྤྱོད་འབྲས་བུ་ཇི་སྙམ་བྱེད། ཅེས་ཞུས་པ་ལ། ཕྱག་ན་རྡོ་རྗེས་ལན་གསུངས་པ།། སྣང་སྲིད་སོ་སོར་འབྱེད
98a6 པའི་རིག་པ་ཅན།། ལུང་བཞི་དོན་གྱི་གཏན་ཚིགས་འདི་ལྟ་སྟེ།། མན་ངག་ཉིད་ན་ཚིག་གི་དོན་ཅི་ཡོད། ཁྱེའུ་མེ་ཏྲི་ཆུང་ངུས་གསོལ་པ། ལུང་བཞི་དོན་གྱི་གཏན་ཚིགས་ཇི་ལྟར་ལགས། དེ་ནས་ཕྱག་ན་རྡོ་རྗེས་གསུངས
iiif viewer powered by OpenSeadragon
