| e-texts navigator |
| Wylie |
97b1 དབང་ཕྱུག་མའི་ཚོགས་ཀྱིས་བསྐོར་བའོ།། ཁྱབ་པ་སྤྱི་རྒྱུག་གི་ཕོ་ཉ་ནི་འདི་ལྟ་སྟེ། ཤར་ཕྱོགས་དུང་གི་མ་མོ་དྲུག་ཅུ་དང་། ལྷོ་ཕྱོགས་མཐིང་གི་མ་མོ་དྲུག་ཅུ་དང་། ནུབ་ཕྱོགས་ཟངས་ཀྱི་མ་མོ་དྲུག་ཅུ་དང་། བྱང་ཕྱོགས
97b2 གསེར་གྱི་མ་མོ་དྲུག་ཅུ་དང་། སྟེང་ལྕགས་ཀྱི་མ་མོ་དྲུག་ཅུ་དང་།། འོག་བྱི་རུའི་མ་མོ་དྲུག་ཅུ་སྟེ་རྡོ་རྗེ་གུར་གྱི་ཕྱི་རོལ་ན་གནས་སོ།། སྤྲུལ་པ་གནས་ལུགས་ཀྱི་ལེའུ་སྟེ་གསུམ་པའོ།། །། དེ་ནས་ཡབ་མངོན
97b3 རྫོགས་རྒྱལ་པོ་ལ་སྤྱན་གཡོན་པ་ཕབ་པའི་བརྡ་ཞིག་མཛད་ནས།། ལྗགས་གཡས་ནས་གཡོན་དུ་དྲིལ་བའི་བརྡ་ཞིག་མཛད་དེ་བསྐུལ་བ་ལས། མངོན་རྫོགས་རྒྱལ་པོས་ཅང་མི་གསུང་བར་ཡུམ་གྱི་མཁའ་ལ་ཡི་གེ་ཕྱེད
97b4 དང་དྲུག་ཏུ་ཞུ་བ་ལས། འབྲུ་བཅུའི་སྙིང་པོའི་སྒྲ་ཡིས་ཡུམ་གྱི་སྣམ་ཞལ་དུ་ཐོན་ཏེ། སྤྲུལ་པའི་བྱ་ཁྱུང་བཅུའི་རྒྱན་དུ་སྟོན་ནས། དུར་ཁྲོད་གཡང་གཞི་རུ་མཚོན་ཕྱར། རྡོ་རྗེ་རྩེ་དགུས་ས་དགུ་གནོན་པའི་བརྗིད་སྟོན།
97b5 འབྲུ་བཅུའི་སྙིང་པོས་ས་བཅུ་རིམ་གྱིས་བགྲོད་པའི་མཛད་པ་ལ་བཙུད་སྟེ་བཞུགས་པ་ལ། དེ་ནས་རི་རབ་ཆེན་པོའི་སྟེང་ན་ཚལ་བརྒྱད་ཉུལ་བར་བྱེད་པའི།། ཡུམ་ཕྲ་མེན་རྒྱ་མཚོའི་ཐུགས་ག་ནས།། སངས་རྒྱས་ཐམས
97b6 ཅད་ཀྱི་སྤྲུལ་པ་ཕྱག་ན་རྡོ་རྗེའི་སྐུ་བཏོན་ཏེ། རྡོ་རྗེ་རྒྱ་གྲམ་བྲག་གི་གདན་སྟེང་ནས་མི་ཞུམ་པའི་བརྗིད་བག་གིས་གྱད་ཀྱི་སྐྱིལ་མོ་ཀྲུང་དུ་བཞུགས་ཏེ། རྡོ་རྗེ་རྩེ་ལྔ་འབར་བའི་ཕྱག་མཚན་ལ། འཁོར་ལོ་འབར་བའི
iiif viewer powered by OpenSeadragon
