| e-texts navigator |
| Wylie |
97a1 ཡུལ་གྱི་དཀར་མོ་བཅུ་གསུམ་གྱིས་བསྐོར་བ་ནི་འདི་ལྟ་སྟེ། འབྱུང་བ་ལྔ་ལས་ཤར་བའི་བུ་མོ་ལྔ་དང་། ཐོག་མཐའ་མེད་པའི་ཡུམ་མཆོག་ཉིད་དང་། མཁའ་ལ་རྒྱུ་བའི་མ་མོ་གསུམ་དང་། དབྱིངས་ལས
97a2 ཤར་བའི་བུ་མོ་གསུམ་དང་། ཡི་དམ་བསྒོམས་ལེགས་མ་དང་མ་མོ་བདུན་ཏེ་བཅུ་གསུམ་གྱིས་བསྐོར་བའོ།། ཐུགས་ལ་ནག་མོ་བཅོ་བརྒྱད་ཀྱིས་བརྒྱན་པ་ནི་འདི་ལྟ་སྟེ། ཤེས་རབ་ཆེན་པོ་ལས་གྱུར་པ་ཕྲ་མེན་རྒྱ་མཚོ
97a3 དང་། སྙིང་རྗེ་ཆེན་པོ་ལས་གྱུར་པ་ཉི་ཟླ་ཐོད་ཕྲེང་དང་། ཡེ་ཤེས་བཞིའི་ཟེར་ལས་གྱུར་པའི་ཁྲོས་པའི་དབང་ཆེན་བཞི་དང་། དངས་མ་བཞི་ལས་གྱུར་པའི་སྦས་པའི་མ་བཞི་དང་། ཡུལ་བཞི་ལས་ཤར་བའི་ཐུགས་ཀྱི
97a4 དགྱེས་སྡེ་བཞི་དང་། དུས་བཞི་དབྱིངས་ལས་ཤར་བའི་རྒྱལ་མོ་བཞིས་བསྐོར་བའོ།། ཡུམ་གྱི་ཆགས་པ་ལྟེ་བའི་འཁོར་ལོ་ལ་བསྐོར་བ་ནི་འདི་ལྟ་སྟེ། སྐྱེད་བྱེད་ཆེན་མོ་ཞེས་བྱ་སྟེ། སྲིད་པ་ཆགས་བྱེད་མ་དང་།
97a5 ཉུལ་བྱེད་ཆེན་མོ་ཞེས་བྱ་སྟེ། ནམ་མཁའི་རྒྱལ་མོ་དང་། འཇོམས་བྱེད་ཆེན་མོ་ཞེས་བྱ་སྟེ། གླིང་བཞི་སྤྱི་ཕུད་མ་དང་། ཆགས་བྱེད་ཆེན་མོ་ཞེས་བྱ་སྟེ། འདོད་ཁམས་ནི་མཚན་དང་། འཛིན་བྱེད་ཆེན་མོ་ཞེས་བྱ་སྟེ། ཨེ
97a6 ཀ་ཙ་ཏི་སྤུན་དྲུག་དང་། ཟ་བྱེད་ཆེན་མོ་ཞེས་བྱ་སྟེ། སྲིན་མོ་བདུན་དང་། གདུག་བྱེད་ཆེན་མོ་ཞེས་བྱ་སྟེ། ལས་ཀྱི་སྲིང་བཞི་དང་། ཕོ་ཉ་ཆེན་མོ་ཞེས་བྱ་སྟེ། དམག་གི་རྒྱལ་མོ་བཞི་དང་། ལས་བྱེད་ཆེན་མོ་ཞེས་བྱ་སྟེ།
iiif viewer powered by OpenSeadragon
