| e-texts navigator |
| Wylie |
96b1 གནས་པ་ནི་འདི་ལྟ་སྟེ། དཀར་པོ་མིག་གཅིག་ཞེ་སྡང་ཅན་དང་། ཁྱབ་འཇུག་འཁོར་ལོ་ཞེ་སྡང་ཅན་དང་། བརྒྱ་བྱིན་སེར་སྐྱ་ཞེ་སྡང་ཅན་དང་། སྐོས་རྗེས་དྲང་དཀར་གཏི་མུག་ཅན་དང་། ཀཱ་ལ་ཡཀྐ་གཏི་མུག་ཅན
96b2 དང་། འབྱུང་རིགས་སྤུན་དགུ་གཏི་མུག་ཅན་དང་། ས་བདག་ཕག་མགོ་འདོད་ཆགས་ཅན། ཀླུ་བདག་དྲེགས་པ་འདོད་ཆགས་ཅན་དང་། ནོར་ལྷ་ཆེན་པོ་འདོད་ཆགས་ཅན། རྒྱལ་ཆེན་རིགས་བཞི་ང་རྒྱལ་ཅན་དང་།
96b3 གཤིན་རྗེ་འཇོམས་བྱེད་ང་རྒྱལ་ཅན། རཱ་ཏྲ་གདུག་རྩུབ་ང་རྒྱལ་ཅན་ནོ།། ཚངས་པ་ཆེན་པོ་ཕྲག་དོག་ཅན་དང་། བྷྲྀ་གི་རི་ཏི་ཕྲག་དོག་ཅན་དང་། དགའ་བྱེད་དབང་ཕྱུག་ཕྲག་དོག་ཅན་དང་། བྱང་སྤྲིན་དམར་པོ་གཡོ
96b4 སྒྱུ་ཅན་ཏེ་བཅུ་དྲུག་གནས་སོ།། སངས་རྒྱས་ཁྲོས་པའི་རྒྱལ་མོའི་ཆ་ལུགས་ནི་འདི་ལྟ་སྟེ། སྐུ་ཤིན་ཏུ་བརྗིད་པ་རི་རབ་ལྟ་བུ་ལ་ཞབས་བརྒྱད་ཀྱིས་ཀླུ་བརྒྱད་བརྫིས་པའོ།། འོག་གཞི་རུ་སྦལ་ཁོག་པའི་བྲག་གཏམས་པ།
96b5 ཕྱག་དྲུག་ཕྱག་ཆས་འགྲོ་བ་རིགས་དྲུག་གི་སྐྱེ་ཤི་སྒྲོལ་བ། སྤྱན་གཉིས་ཁྲག་དང་། རིན་པོ་ཆེའི་མཆི་མ་འཐོར་བ། སྤྱི་བོའི་གཙུག་ནས་ཁྲག་གི་རལ་པས་སྟོང་གསུམ་དབང་དུ་སྡུད་པ། གསང་བའི་མཁའ་བཞི་དབུས
96b6 དང་ལྔ་ལ་ས་བཞི་ཆ་སྙོམས་ཤིང་འབྱུང་བ་ལྔ་དབང་དུ་སྡུད་པ། མཐིང་ནག་ནམ་མཁའི་གོ་ཟུ་ལ། འཇའ་ཚོན་སྣ་ལྔའི་ཆ་ག་བཏགས་པ། དེ་ལྟ་བུའི་ཡུམ་ལས་སྤྲུལ་པའི་འཁོར་གྱིས་བསྐོར་བ་ནི་འདི་ལྟ་སྟེ། དབུ་ལ
iiif viewer powered by OpenSeadragon
