| e-texts navigator |
| Wylie |
96a1 སྣང་བྱེད་དང་། ཁྲོ་རྒྱལ་ཡོན་ཏན་སྙིང་པོ་དང་། ཁྲོ་ཆེན་གཟི་ལྡན་འབར་བ་ཅན་དང་། ཁྲོ་ཆེན་ལྷུན་གྲུབ་སྣང་བྱེད་དང་། ཁྲོ་ཆེན་མེའི་འཁོར་ལོ་ཅན་དང་། ཁྲོ་ཆེན་ཟ་བྱེད་བརྟུལ་ཞུགས་ཅན་དང་། ཁྲོ
96a2 ཆེན་སྐྱོང་བྱེད་རླུང་གི་བང་བ་ཅན་དང་། ཁྲོ་ཆེན་གཟི་ལྡན་འབར་བ་རྣམས་ཀྱིས་བསྐོར་བའོ།། འཇིགས་བྱེད་ཆེན་པོའི་ཐུགས་ཀྱི་འཁོར་ལོ་ལ་བསྐོར་བ་ནི། གསང་ཆེན་ཁྲོ་བོ་བཅུ་སྟེ། ཁྲོ་ཆེན་ཧཱུཾ་ཀཱ་ར་དང་། ཁྲོ་ཆེན
96a3 རྣམ་པར་རྒྱལ་བ་དང་། དབྱུག་པ་སྔོན་པོ་དང་། གཤིན་རྗེ་གཤེད་པོ་དང་། མི་གཡོ་མགོན་པོ་དང་། རྟ་མཆོག་དཔལ་དང་། གཞན་གྱིས་མི་ཐུབ་པ་དང་། བདུད་རྩི་འཁྱིལ་བ་དང་། ཁམས་གསུམ་རྣམ་པར་རྒྱལ་བ
96a4 དང་། སྟོབས་པོ་ཆེ་རྣམས་ཀྱིས་བསྐོར་བའོ།། འཇིགས་བྱེད་ཆེན་པོ་ཡོན་ཏན་གྱི་འཁོར་ལོ་རྫོགས་ཆེན་གྱི་ཁྲོ་བོ་བཅུས་བསྐོར་བ་ནི་འདི་ལྟ་སྟེ། ཁྲོ་ཆེན་བིཥྞུ་འཇོམས་པའི་རྒྱལ་པོ་དང་། ཁྲོ་ཆེན་སྟོབས་བཟང་འཇིགས
96a5 བྱེད་མགོན་དང་། ཁྲོ་ཆེན་གཟི་ལྡན་འོད་ཟེར་ཅན་དང་། ཁྲོ་ཆེན་འཇིག་རྟེན་འོད་ཟེར་གྱིས་འགེངས་པ་དང་། ཁྲོ་ཆེན་སྟོང་ཁྲི་ཁྱབ་བྱེད་དང་། ཁྲོ་ཆེན་ཧཱུཾ་སྒྲ་ཅན་དང་། ཁྲོ་ཆེན་ཁམས་གསུམ་ཤུགས་སྒྲོལ་དང་། ཁྲོ་བོ
96a6 ཆེན་པོ་འཇིགས་བྱེད་སྐར་མདའ་གདོང་དང་། ཁྲོ་བོ་ཆེན་པོ་མེ་ཁྱེར་གློག་མ་སྤྲིན་དང་། ཁྲོ་བོ་ཆེན་པོ་ནམ་མཁའི་མདངས་ཕྲོག་ལ་སོགས་པས་བསྐོར་བའོ།། མངོན་རྫོགས་རྒྱལ་པོའི་སྒལ་ཚིགས་ཀྱི་འཁོར་ལོ་ལ
iiif viewer powered by OpenSeadragon
