| e-texts navigator |
| Wylie |
95b1 ཡས་སྐྱེ་མེད་དང་།། རྣམ་ཤེས་མཐའ་ཡས་སྐྱེ་མཆེད་དང་།། ཅི་ཡང་མེད་པའི་སྐྱེ་མཆེད་དང་།། ཡོད་མིན་མེད་མིན་སྐྱེ་མཆེད་དོ།། བཅུད་ཀྱི་འཇིག་རྟེན་བསྟན་པའི་ལེའུ་སྟེ་གཉིས་པའོ།། །། སྤྲུལ་པའི་གནས
95b2 ལུགས་འདི་ལྟ་སྟེ།། ཕྱི་སྣོད་ལོ་ཀ་རི་རབ་ཀྱི།། སྟེང་ན་ཀླུའི་རྒྱལ་པོ་རིགས་བཞིའི་ཁྲི་ལ།། རྣམ་པར་རྒྱལ་བའི་ཁང་བཟང་ནས།། གཉིས་འགྱུར་གྱེན་དུ་འཕགས་པ་ནི།། ཡུམ་མུ་ཁ་ལེའི་ཞལ་གྱི་སྟེང་ན། བཅོམ་ལྡན
95b3 འདས་ཆེ་མཆོག་ཧེ་རུ་ཀ། དབུ་དགུ་ཕྱག་བཅཝོ་བརྒྱད། ཞབས་བརྒྱད་དུ་གཏམས་པ། ཁྲོ་ཚུལ་དྲུག་ཅུ་རྩ་བཞི་དང་ལྡན་པ་སྟེ། དེ་ལ་དྲ་བས་བརྒྱན་པའི་འཁོར་ལོ་ནི་འདི་ལྟ་སྟེ། ཆེ་མཆོག་དབུ་ཡི་འཁོར་ལོ་ལ།། སྤྱི
95b4 དཔལ་ཁྲོ་བོ་བཅུ་ལྡན་ཏེ། ཁྲོ་བོ་ཆེན་པོ་ག་ར་བི་ལའི་གྲ་ལའི་རྒྱལ་པོ་དང་། ཁྲོ་བོ་ཆེན་པོ་རིན་པོ་ཆེ་འཇིགས་བྱེད་དང་། ཁྲོ་བོ་ཆེན་པོ་པདྨ་གར་གྱི་དབང་ཕྱུག་དང་། ཁྲོ་རྒྱལ་གར་མཛད་རྒྱལ་པོ་དང་། ཁྲོ་བོ་ཆེན
95b5 པོ་སྲེག་པའི་འོད་ཆེན་དང་། ཁྲོ་བོ་ཆེན་པོ་སྲིད་པོ་འཇོམས་བྱེད་དང་། ཁྲོ་བོ་ཆེན་པོ་སྐྱོད་བྱེད་རྒྱལ་པོ་དང་། ཁྲོ་ཆེན་འཇིགས་བྱེད་སྐྱབས་ཀྱི་རྒྱལ་པོ་དང་། ཁྲོ་ཆེན་གསོད་བྱེད་རྒྱལ་པོ་དང་། ཁྲོ་ཆེན་འཇིགས་བྱེད
95b6 རྒྱལ་པོ་རྣམས་ཀྱིས་བསྐོར་བའོ།། ཆེ་མཆོག་ཧེ་རུ་ཀའི་གསུང་གི་འཁོར་ལོ་ལ། གདེང་ཆེན་ཁྲོ་བོའི་བསྐོར་བ་ནི་འདི་ལྟ་སྟེ། ཁྲོ་ཆེན་འཇིགས་བྱེད་ཧཱུཾ་སྒྲ་ཅན་དང་། ཁྲོ་ཆེན་གནོད་མཛེས་རྒྱལ་པོ་དང་། ཁྲོ་རྒྱལ་མེ་ལོང
iiif viewer powered by OpenSeadragon
