| e-texts navigator |
| Wylie |
91a1 རྫོགས་ཀྱི་རྒྱལ་པོས་བཀའ་སྩལ་པ།། མ་མོའི་དཀྱིལ་འཁོར་བསྡུ་བ་ནི།། དང་པོ་བསྐྱེད་པའི་རིམ་པ་བཞིན།། རིམ་བཞིན་རིམ་པས་གཙོ་ལ་བསྡུ།། ཞེས་བཀའ་སྩལ་ཏོ།། རྒྱུད་འདི་སྣོད་མེད་ལ
91a2 བསྟན་པའི་སྐྱོན་དང་། དཀྱིལ་འཁོར་བསྡུ་བའི་ལེའུ་སྟེ་ལྔ་བཅུ་གཅིག་པའོ།། །། དེ་ནས་མངོན་རྫོགས་ཀྱི་རྒྱལ་པོས།། ལྷ་གནོད་འདུལ་ལ་བཀའ་སྩལ་པ།། བསྟན་པའི་སྙིང་པོ་དམ་པ་འདི།། རྒྱུད་དང་ལུང་དང
91a3 མན་ངག་དང་།། ཕྱོགས་དང་གལ་པོར་བསྟན་པ་ཡི།། མ་མོ་སྲིད་པའི་རྒྱུད་ལུང་ཆེན་པོ་འདི།། དེ་བ་གནོད་འདུལ་ཁྱོད་ཀྱིས་བསྡུས།། འཇིག་རྟེན་གསུམ་དུ་གྲགས་པར་གྱིས།། ལྷ་སྤྱོད་སྒྲུབ་པ་ཚང་བ་ཡི།། མ་མོ་སྲིད
91a4 པའི་ཏནྟ་འདི།། དེ་བ་གནོད་འདུལ་ཁྱོད་ཀྱིས་ཟུང་།། རྩ་བ་གསུམ་དུ་སྦས་པར་གྱིས།། ཞེས་བཀའ་སྩལ་པས། གསེར་གྱིས་གླེགས་བམ་དུ་བྲིས་ནས། ལྷ་གནོད་འདུལ་ལ་གཏད་དོ།། ལྷ་གནོད་འདུལ་གྱིས་རྩ་བ་ཆེན
91a5 པོ་གསུམ་དུ་སྦས་སོ།། དེ་སྐད་ཅེས་སྟོན་པས་བཀའ་སྩལ་པས། ཡེ་ཤེས་ཀྱི་མ་མོ་དང་། ཕྲ་མེན་རྒྱ་མཚོ་ལ་སོགས་པ་རང་བཞིན་གྱི་མ་མོ་དང་། ཨ་ཕྱི་ཆེན་མོ་ལ་སོགས་པ་སྲིད་པའི་སྨན་མོ་རྣམས་ཀྱིས། སྐྱེ་བ་མེད་པ
91a6 ཆོས་ཀྱི་རོ་མྱོང་ནས། གསང་བ་དགྱེས་པའི་མཆོད་པ་ཕུལ་ནས། རང་རང་གི་དམ་ཚིག་ནོས་ནས། ཞབས་སྤྱི་བོ་ལ་བླངས་སོ།། མ་མོ་སྲིད་པའི་རྒྱུད་ལུང་ཆེན་པོ་ལས། ལྷ་གནོད་འདུལ་ལ་རྒྱུད་གཏད་པའི་ལེའུ་སྟེ་ལྔ
iiif viewer powered by OpenSeadragon
