| e-texts navigator |
| Wylie |
89a1 སྐུ།། ཐབས་ལས་གང་ཡང་མ་འགགས་མ་བཅོས་སྐུ།། དོན་ལ་གང་ཡང་མི་རྟོག་ཆོས་ཀྱི་སྐུ།། ཆོས་ཀྱི་སྐུ་ལ་སྐྱེ་ཤི་གཡོས་པ་མེད།། འཕོ་འགྱུར་མེད་པའི་ཀློང་ལ་བཙལ་ཞིང་བསྒྲུབ་དུ་མེད།། ཡེ་ཤེས
89a2 བྱང་ཆུབ་སེམས་སུ་བདག་རྟོགས་ན།། འདུ་འཛི་བྱིས་པའི་རྩེ་མོས་ཅི་ཞིག་བྱ།། མི་འདའ་ཀློང་གི་དམ་ཚིག་སྲུང་བྱེད་ན།། ཉོན་མོངས་བདེ་སྡུག་མྱ་ངན་ཅི་ལ་སྤྱད།། ཐབས་མཁས་རོལ་པའི་ཏིང་འཛིན་ཤར་བ
89a3 ལས།། ཕུང་པོ་འབད་རྩོལ་རྩོལ་བསྒྲུབ་ཅི་ལ་བྱ།། ཕྱི་ནང་སྣོད་བཅུད་ཐིག་ལེར་སངས་རྒྱས་ན།། གཞན་ནས་བཙལ་ཞིང་སྨིན་དུ་གཅིག་ཀྱང་མེད།། ལྟ་བ་མན་ངག་གི་ལེའུ་སྟེ་བཞི་བཅུ་རྩ་བརྒྱད་པའོ།། །། དེ
89a4 ནས་ཡབ་མངོན་རྫོགས་རྒྱལ་པོས། བདེ་ཆེན་བྱང་ཆུབ་སེམས་ཀྱི་ལེའུ་འདི་བཤད་དོ།། འདི་སྐད་ཅེས་གསུངས་སོ།། སྣོད་ཀྱི་འཇིག་རྟེན་མ་བཀག་ཡུམ་གྱི་དབྱིངས།། བཅུད་ཀྱི་འཇིག་རྟེན་མ་བཀག་ཡབ་ཀྱི
89a5 མཁའ།། ཡབ་ཡུམ་མཁའ་དབྱིངས་ཡེ་ནས་རོལ་པ་ལས།། བདེ་ཆེན་བྱང་ཆུབ་སེམས་སུ་ཡེ་ནས་སངས་རྒྱས་སོ།། ཕུང་པོ་ཁམས་དང་སྐྱེ་མཆེད་མ་ལུས་པ།། མ་མོའི་ཚོགས་ཀྱི་དཀྱིལ་འཁོར་ཡེ་ནས་ཡིན།། ཡོན་པའི
89a6 དོན་ལ་རིག་པ་གསལ་དགོད་ན།། བདེ་ཆེན་བྱང་ཆུབ་སེམས་སུ་ཡེ་ནས་སངས་རྒྱས་སོ།། སེམས་དང་ཡེ་ཤེས་དུས་གཅིག་སངས་རྒྱས་ན།། རྟག་པའི་ཡེ་ཤེས་སེམས་ཀྱི་སངས་རྒྱས་ཀུན་རྟོགས་ན།། བདེ་ཆེན་བྱང
iiif viewer powered by OpenSeadragon
