| e-texts navigator |
| Wylie |
88b1 མོའི་རང་བཞིན་འཁོར།། བདེ་ཆེན་རྒྱལ་པོ་ཡིན་པས་འཁོར་གྱི་ཇོ་བོ་ཡིན།། ཐམས་ཅད་བདག་ལ་བྱུང་བས་ཀུན་གྱི་བདག་པོ་ཡིན།། ང་རྒྱལ་གདེང་དུ་ཆེ་བས་འགྲོ་དྲུག་ཐབས་ཀྱིས་འདུལ།། ཐུགས་མཆོག་ཐུགས
88b2 སྒྲས་ཁམས་གསུམ་ཡོངས་སུ་ལྡིར།། ཐུགས་རྗེའི་བྱམས་ལྡན་ཉི་མའི་འོད་བཞིན་ཤར།། མི་རྟོགས་གཉེན་པོ་ཐབས་ཀྱི་རྒྱལ་པོ་འབྱུང་།། འཁོར་བའི་གཉེན་པོ་རང་བྱུང་སངས་རྒྱས་ཏེ།། བདག་དང་སེམས་ཅན་ཐམས
88b3 ཅད་ཆོས་ཀྱི་བྱ་བའི་སྐུ་རུ་གཅིག། མི་རྟོག་ཐབས་ཀྱིས་གཉེན་པོ་འདི་ཡི་དོན་རྟོགས་ན།། མ་མོས་གདུལ་བར་བྱ་བ་གཞན་ན་མེད།། འཁོར་བ་མྱ་ངན་འདས་པའི་དོན་རྟོགས་ན།། དགྲ་བགེགས་བསྒྲལ་ཞིང་ཚར
88b4 བཅད་བྱ་མི་དགོས།། ཡེ་འབྱམས་མཚན་མེད་ཀློང་གི་དབང་རྫོགས་ན།། རྒྱལ་བྱེད་རྟགས་ཀྱི་ཕྱག་རྒྱ་སྒྲུབ་མི་དགོས།། ཕྲིན་ལས་བྱ་བཙལ་ཀློང་ཡངས་ཡེ་ནས་འདས།། བསྒོམ་བསྒྲུབ་དཀྱིལ་འཁོར་བྱ་བ་ཅི་ཡང
88b5 མེད།། འདི་ལྟར་མན་ངག་རྟོགས་པ་གདེང་གྱུར་ན།། བསྒྲུབས་ཀྱང་སྐྱོན་མེད་མ་བསྒྲུབས་འགལ་བ་མེད།། བསྒོམ་ཀྱང་སྐྱོན་མེད་མ་འགལ་བ་མེད།། བསྒྲལ་ཀྱང་སྐྱོན་མེད་མ་བསྒྲལ་འགལ་བ་མེད།། བསམ་དུ་མེད
88b6 དེ་ཆོས་སྐུ་ནམ་མཁའ་འདྲ།། སྒོམ་དུ་མེད་དེ་རང་བྱུང་ཀློང་ནས་ཤར།། བདེ་འབྱམས་དབྱིངས་ཕྱུག་ཡུམ་གྱི་རྒྱལ་མོ་ཡིན།། མ་བཀག་ཅི་བདེར་ཡན་བཀྱེ་ཡབ་ཀྱི་མཁའ།། སེམས་ལ་གང་ཡང་མེ་ཏོག་རང་བྱུང
iiif viewer powered by OpenSeadragon
