| e-texts navigator |
| Wylie |
88a1 སྡོམས་ཤིག་མ་མོའི་ཚོགས།། ཛཱ་ཛཱ་ཛཱ་ཡིས་དམ་དུ་སྡུས།། ཕཊ་ཕཊ་ཕཊ་ཀྱིས་རོལ་པར་མཛོད།། ཁ་ཁ་ཁཱ་ཡིས་ཞལ་དུ་བཞེས།། ཁམས་གསུམ་དགྲ་བགེགས་སྟོངས་པར་མཛོད།། སྒྲུབ་ལ་བར
88a2 ཆད་བྱེད་པ་རྣམས།། ཐལ་བ་བཞིན་དུ་མེད་པར་གྱིས།། ས་མ་ཡ་མཱ་ར་ཡ་ཁཱ་ཧི་ཞེས་བརྗོད་དོ།། ཟ་བྱེད་བསྟབ་པའི་ལེའུ་སྟེ་བཞི་བཅུ་རྩ་བདུན་པའོ།། །། དེ་ནས་ཡབ་མངོན་རྫོགས་ཀྱི་རྒྱལ་པོས། ལྟ་བའི
88a3 མན་ངག་གི་ལེའུ་འདི་བཤད་དོ།། ཕུང་པོ་ཁམས་དང་སྐྱེ་མཆེད་ཀྱང་།། ཡེ་ནས་སངས་རྒྱས་ཡིན་པའི་ཕྱིར།། ཀུན་རྫོབ་ཙམ་གྱི་མཚན་མ་རུ།། ཆོས་སྐུ་མཚན་མར་བརྟགས་པ་སྟེ།། ཡེ་ཤེས་རང་གནས་རོལ་པ
88a4 ཡིན།། ཕྱི་ནང་སྣོད་བཅུད་མ་ལུས་ཀྱང་།། ཀུན་ཏུ་བཟང་མོའི་དབྱིངས་ཀྱི་རྒྱན།། ཀུན་ཏུ་བཟང་པོའི་ཐུགས་ཀྱི་རྒྱན།། ཀུན་བཟང་ཡབ་ཡུམ་རོལ་པ་ལས།། ཕྱི་ནང་མ་ལུས་ཐམས་ཅད་སངས་རྒྱས་སོ།། མཐའ་ལ་ཐུག
88a5 པ་མེད་པས་དབྱིངས་ལ་བྲི་བ་མེད།། དབྱིངས་ལ་གཡོ་བ་མེད་པས་ཆོས་སྐུ་འགྱུར་བ་མེད།། དོན་དམ་དབྱིངས་སུ་བལྟས་པས་ལྟས་དགུ་དེ་དག་གསལ།། ཐམས་ཅད་སེམས་སུ་རྟོགས་པས་གང་བསྒྲུབ་ལྷུན་གྱིས
88a6 གྲུབ།། རྣམ་རྟོག་མིང་ཡང་མེད་པས་གང་བསྒྲལ་གཅིག་མི་ལྟས།། ཐབས་མཁས་རོལ་པ་ཡིན་པས་འཁོར་བའི་སྐྱོན་མ་གོས།། ཐུགས་རྗེ་བྱང་ཆུབ་ཡིན་པས་ཐར་པ་བདེ་ཆེན་ཐོབ།། ཀུན་གྱི་བདག་ཉིད་ཡིན་པས་མ
iiif viewer powered by OpenSeadragon
