| e-texts navigator |
| Wylie |
332b1 བྱང་གཉིས་གཡས་ཙིཏྟ་ཐོད་པ་བསྣམས།། གཡང་གཞི་སྦྲུལ་ཞགས་དགྲ་སྟ་ཞགས་པ་ཐོད།། གཡོན་པའི་ཕྱག་ནི་ལྔ་སྟེ་ཐེགས་པར་བསམ།། རྩེ་གཅིག་དབང་པོ་གང་དང་གང་སྤྱོད་ཡུལ།། བསྒོམ་ན་དེ་དང་དེ་ཡི་རང
332b2 བཞིན་འགྲོ།། མཉམ་པར་མ་བཞག་རྣལ་འབྱོར་པས་མི་བྱ།། ཆོས་ཅན་མེད་ཕྱིར་ཆོས་ཉིད་ཡོད་མ་ཡིན།། བྲག་ཆའི་སྒྲ་དང་མཚུངས་པའི་ཆོས་འདི་བསྟན།། བསམ་པ་པོ་མེད་བསམ་པའི་ཆོས་ཀྱང་མེད།། སྔགས་དང
332b3 ལྷ་མེད་སྤྲོས་མེད་རང་བཞིན་ལས།། འཁྲུལ་རྟོག་སྤྲོས་པའི་རང་བཞིན་ཅི་ཡང་སྣང་།། སྟོན་པའི་ཞལ་ནས་གསུངས་པའི་ལུང་གསུམ་ལས།། གནས་དང་རྒྱུ་རྩིས་དུས་ཚོད་གཙུག་ལག་རྒྱུད།། མཐུ་འཕྲོག་ལས་བཅོལ
332b4 དངོས་གྲུབ་མངོན་བཀོལ་རྒྱུད།། སྒྲུབ་རྫས་གསང་ཚིག་ཐུགས་ཀྱི་སྒྲོམ་བུའི་རྒྱུད།། དེ་གསུམ་འདུས་པའི་དོན་ནི་འདི་ལྟ་སྟེ།། རིགས་དང་གྲངས་དང་དོན་ཀྱི་ངོ་བོ་སྟེ།། ལས་ཡུལ་རྒྱུ་སྲང་འདུན་པ་གར་རྒྱུའི
332b5 ཕྱོགས།། དམ་རྫས་སྔགས་ལས་དུས་ཚོད་མྱུར་འགྲུབ་ཐབས།། རྫུ་འཕྲུལ་སྒྲིབ་ཤིང་འཁྲུགས་ཉམས་ཆད་ལ་སོགས།། དོན་སྔགས་ལན་ཅིག་ཕྱིར་ནི་རྩིས་རྒྱུད་ཡིན།། ཞེས་བཀའ་སྩལ་པ་དང་། ལྷའི་དབང་པོས་ཡང
332b6 འདི་སྐད་ཅེས་གསོལ་ཏོ།། ཀུན་མཁྱེན་དོན་རྣམས་འབྱེད་པ་ཤེས་རབ་བདག། འགྲོ་དྲུག་བདག་ཅག་རྨོངས་པའི་དོན་སླད་དུ།། བསྡུས་དོན་རེ་རེ་ནས་ནི་བཤད་པར་ཞུ།། ཞེས་གསོལ་པ་དང་། བཅོམ་ལྡན་འདས
iiif viewer powered by OpenSeadragon
