| e-texts navigator |
| Wylie |
331b1 ཞུགས་སྤྱོད་པ་མཛད།། ཛཿཧཱུཾ་བཾ་ཧོཿའི་ཕྱག་རྒྱ་བཞི་ཡིས་བཟུང་།། སྒྲོལ་སྔགས་ཁ་ཊྭཱཾ་སྲིན་པོའི་སྙིང་གར་བརྒྱཔ།། མགོ་བོ་ལྷོ་ནུབ་རྐང་པ་བྱང་ཤར་བསྟན།། ཤ་རུས་ཁྲག་ལ་རོལ་པ་ཆེན་པོར་མཛད།། མ་མོ་མཁའ
331b2 འགྲོའི་ཚོགས་ཀྱང་རོལ་དུ་བཅུག། དབང་པོ་རྣམ་ལྔ་ཡེ་ཤེས་ཁྲག་འཐུང་རྫས། ཁོག་པར་ཞུགས་ནས་རྒྱལ་བའི་དཀྱིལ་འཁོར་བསྐྱེད།། དུར་ཁྲོད་གཞལ་ཡས་འབར་བར་བྱིན་གྱིས་བརླབས།། བདུད་སྡེ་ལྡང་བ་མེད
331b3 པར་བྱ་བའི་ཕྱིར།། གནས་ཆེན་བརྒྱད་དུ་མཆོད་རྟེན་རེ་རེ་བརྩིག། དུར་ཁྲོད་མ་བརྒྱད་བཀའ་ཉན་བཅས་པས་བསྲུང་།། རིགས་ལྔ་ཡེ་ཤེས་ཆོས་དང་རང་བཞིན་ལས་ལས་སྐྱེས།། རྡོ་རྗེ་མཁའ་འགྲོ་ཤུགས་ཀྱི་མཁའ
331b4 འགྲོ་ཡང་།། ཆགས་པའི་མཁའ་འགྲོ་ལས་ཀྱི་མཁའ་འགྲོ་མ།། རེ་རེ་ལའང་བཞི་བཞི་བཅུ་དྲུག་ཡེ་ཤེས་མངའ།། དུར་ཁྲོད་ཀོ་རཱི་སེང་ཧ་བཅུ་དྲུག་གྲུབ་པའི་རིགས།། ཨ་ཕྱི་ཤམ་ཤམ་མན་ཆད་སྨན་མོའི་རིགས།། ངེས
331b5 པའི་ཚིག་ནི་རྒྱུ་ལས་མ་བྱུང་རང་བཞིན་ལྷུན་གྱིས་གྲུབ།། ཐུགས་རྗེ་ཉི་མ་ལྟ་བུར་ཡོངས་ལ་ཁྱབ།། དོན་དམ་སྐྱེ་མེད་འཁོར་བའི་བདུད་ལས་རྒྱལ།། རང་བཞིན་མཁའ་འགྲོ་ཡེ་ཤེས་མ་རུ་བསྟན།། སྲིད་པ་ཉོན་མོངས
331b6 རྒྱུ་མཐུན་སྲིན་པོའི་འཁོར།། ཆགས་པའི་དབང་གིས་སྡུག་བསྔལ་སྣ་ཚོགས་སྤྱད།། སྔོན་སྤྲད་ཉོན་མོངས་ཟད་པས་དཔལ་ཆེན་གཞལ་ཡང་མཐོང་།། དགོས་དོན་ཅི་འདོད་སྒྲུབས་པས་གྲུབ་པ་མོ།། དམན་པའི་སེམས
iiif viewer powered by OpenSeadragon
