| e-texts navigator |
| Wylie |
331a1 འདུག་པའི་འཁོར་རྣམས་ནི།། རྭ་གཟེངས་མིག་བགྲད་མཆེ་གཙིགས་སྡེར་མོ་གདེངས།། འཇིགས་པའི་སྐད་ཀྱིས་ཅོ་ལོང་ཆེན་པོ་འབྱིན། ཁ་ནས་ཁྲག་དང་ནད་སྐྱུགས་འདི་སྐད་ཟེར།། གཙོ་བོ་རྗེ་བོ
331a2 ལགས་སམ་གསང་བརྡའ་སྟོན།། དཔལ་གྱིས་སོ་སོའི་བརྡའ་རྣམས་ངེས་བསྟན་པས།། དངོས་ཉིད་ཡིན་པར་མཐོང་སྟེ་མཆོད་པ་ཕུལ།། གཞལ་ཡས་ནང་དུ་བྱོན་ཏེ་ཁ་ཊྭཱཾ་གདེངས།། སྲིན་མོ་ཀྲོ་ཏཱི་ཤྭ་རཱི་ཅིར་གྱིས
331a3 བཟུང་།། བསྒྲལ་བར་བྱས་ནས་རང་རྟགས་སྙིང་པོ་ཕུལ།། བཀའ་ལ་བཏགས་ཏེ་ཁ་ཊྭཱཾ་སྤུ་གྲི་བྱིན།། མ་མོའི་གཙོ་མོ་སྦྱོར་བའི་ཡུམ་དུ་བྱས།། དཔལ་གྱི་སྐུ་གསུང་ཐུགས་ཀྱི་གནས་ཡུལ་ལས།། སྤྲུལ་པ་ཀོ་རཱི་སེང་ཧ་ཁྲོ
331a4 མོ་དྲག་པོའི་ཚོགས།། དུར་ཁྲོད་ཕོ་ཉ་ཕྱོགས་སྐྱོང་ལ་སོགས་ཀུན།། རང་རང་འདྲ་བའི་སྤྲུལ་པ་མང་པོས་བཏུལ།། ཀུན་གྱིས་མགྲིན་གཅིག་དཔལ་ལ་འདི་སྐད་ཞུས།། བདུད་ཀྱི་བདུད་རྗེ་ཐུགས་རྗེའི་བདག་པོ
331a5 ཁྱོད།། བདག་ཅག་འཁོར་དང་བཅས་པ་འབངས་སུ་མཆི།། ཞེས་སྲོག་གི་སྙིང་པོ་ཕུལ་ནས། ཐ་ཚིག་བླངས་ཏེ་དཀྱིལ་འཁོར་བྲན་ལ་གནས་པར་བྱས་སོ།། དེ་ཡི་འཁོར་རྣམས་སྔར་འདུས་གཞལ་ཡས་མེད།། སྲིན་པོ
331a6 གཞལ་ཡས་མེད་པས་སྤངས་པར་གྱུར།། སངས་རྒྱས་ཆོ་འཕྲུལ་ཡིན་པར་རབ་ཏུ་ཤེས།། རང་གི་གནས་སུ་རྒྱུག་པས་དཔལ་དང་འཕྲད།། མཐོང་ཐོས་འཇིགས་པ་ཆེན་པོ་རབ་ཏུ་སྐྱེས།། དཔལ་གྱི་ཚམ་རྔམས་བརྟུལ
iiif viewer powered by OpenSeadragon
