| e-texts navigator |
| Wylie |
330b1 དུར་ཁྲོད་མ་བརྒྱད་བཀའ་ཉན་དང་།། རིམ་པས་འཇིགས་བྱེད་ཁྲོ་བོ་བཅུ་ཡིས་བསྐོར།། སྲིད་པའི་ཕུར་བུ་དཔག་ཆེན་མདའ་བཞིན་འཕེན།། དེ་ཡི་ཕྱི་རིམ་དབང་ཕྱུག་མ་ཡིས་བསྐོར།། གཞན་ཡང་རལ་པ་ཅན་གྱི
330b2 ཚོགས་རྣམས་དང་།། མཆེ་བ་གཤོག་པ་ནུ་མ་སྡེར་མོ་ཅན།། མགོ་བརྙན་མ་ཚོགས་སྣ་ཚོགས་པས་བསྐོར་རོ།། དཔལ་ཆེན་པོ་དང་ནོར་གྱིས་དོགས་པས་ནི།། བརྡའ་ནི་རྣམ་དྲུག་བྱེད་ཅིང་འབོད་པ་སྟེ།། སྐྱུགས་ལ
330b3 གཡབ་མོ་ཐལ་མོ་སེ་གོལ་དང་།། རྐུན་པོ་གླུ་སྟེ་སོ་སོས་གོ་བར་བྱས།། འཇའ་དང་འབྲུག་གློག་སྟོང་གི་སྒྲ་འབྱིན་ཞིང་།། འབྲུ་དང་རིན་ཆེན་སྣ་ཚོགས་སྨན་དང་ཆུ།། འགྲོ་དྲུག་མཁའ་འགྲོ་ཤ་རུས་ཟ་བ་རྣམས། ཁ་ནས
330b4 ནད་ཀྱི་རྣམ་པ་སྣ་ཚོགས་སྐྱུགས།། ཀུན་ནས་བསྐོར་ཏེ་བཙན་པར་བྱས་པ་ཡིས།། བདུད་ཀྱི་སེམས་དེ་རབ་ཏུ་དེར་གནས་པས།། མ་ཏྲང་རུ་ཏྲས་དཔལ་ལ་སྐུར་པ་བཏབ།། དཔལ་ཆེན་བྱ་བ་མེད་པར་ངེས་པ
330b5 ལས།། སྲིད་པའི་རྒྱལ་མོས་བཅོས་པ་འདྲ་ཟེར་རོ།། འོག་མིན་གནས་ནས་དཔལ་གྱིས་དགོངས་པ་མཛད།། ཅི་ཕྱིར་ཉོན་མོངས་དེ་དང་སེམས་ཅན་རྣམས།། ཐུགས་རྗེའི་ཞིང་དུ་གྱུར་པས་སྒྲོལ་དུ་གཤེགས།། མཐོང
330b6 བའི་ལོགས་སུ་ལྷ་ཡི་གཞལ་ཡས་སྤྲུལ།། སྲིན་པོའི་རྣམ་ཤེས་མཛེས་ཤིང་འཛིན་པར་བྱས།། སྲིན་པོ་ཆགས་སྐྱེས་འཁོར་ལ་གདམས་ངག་བྱས།། དཔལ་གྱི་སྲིན་པོའི་ལུས་ཀྱིས་གནས་སུ་ཕྱིན།། སྣ་ཚོགས་གཟུགས་སུ
iiif viewer powered by OpenSeadragon
