| e-texts navigator |
| Wylie |
329a1 དང་།། གབ་གསོད་ཤ་ཟ་ཁྲག་འཐུང་འོ་དོད་འབོད།། མི་བཟོད་ངུ་བ་མགོ་ལུས་ཟང་ལ་རྡེབ།། རྩལ་དང་ལྡན་པ་རྒོད་ཅིང་ཐལ་མོ་རྡེ་བ།། མི་མཐུན་མགོ་བརྙན་ལུས་ནི་སྣ་ཚོགས་ཏེ།། མི་ལུས་བྱ་གཤོག
329a2 མིག་གསུམ་སྡེར་མོ་ཅན།། མཆེ་བ་རཱ་ཅན་ལུས་གཅིག་མགོ་མང་དང་།། མཛེས་འོད་འབར་བ་མི་སྡུག་སྣ་ཚོགས་རྣམས།། སྡུག་བསྔལ་མང་པོའི་ཚོགས་ཀྱིས་གདུངས་པ་ལ།། ཐབས་ལས་སྤྲུལ་པའི་མཁའ་འགྲོ
329a3 མ་ཆེན་གཅིག། གཞན་ལས་འཕགས་ཤིང་མཐུ་རྩལ་ཆེ་བ་ཡིས།། མི་བཟོད་སྡུག་བསྔལ་སྐད་ཅིག་བདེར་མཛད་པས།། སྣ་ཚོགས་མཁའ་འགྲོ་འདུས་ཏེ་ཕྱོགས་གཅིག་ནས།། སྤྱི་མཐུན་ལས་ཀྱི་མཁའ་འགྲོ་མ་ཉིད
329a4 ལ།། ཞུ་བའི་ཚིག་ནི་འདི་སྐད་ཅེས་གསོལ་ཏོ།། ཁ་དོག་དབྱིབས་ཀྱི་མཁའ་འགྲོ་མ།། བདག་ཅག་ལས་དང་རྒྱུ་འབྲས་ནི།། གང་ཡིན་རིགས་དང་རིགས་ཀྱི་གཙོ་མོ་གང་།། ཡུལ་དང་ལས་དང་ཟས་དང་སྐལ་བ
329a5 གང་།། ཞེས་གསོལ་ཏོ།། ཡུམ་ཆེན་མོ་དེ་ཤིན་ཏུ་ཆགས་པས་གདུང་བའི་སེམས་གཡོས་པར་གྱུར་ཏེ། སེམས་རྩེ་གཅིག་ཏུ་སྦྱོར་བའི་གྲོགས་གཅིག་བསྒོམས་པའི་འབྲས་བུ་སྟག་གི་ལོའི་དཔྱིད་ཟླ་ར་བ་ལ། འཇིག་རྟེན
329a6 ཡུམ་གཅིག་མིང་དགུའི་རྨི་ལམ་དུ། མི་ནག་ལུས་བོངས་རི་རབ་ཙམ།། དབུ་གསུམ་མཛེས་པའི་ཕྱག་དྲུག་གཤོག་པར་ལྡན།། འཇིགས་པའི་ང་རོས་ལག་པ་སར་བརྡབས་པས།། མཁའ་འགྲོའི་ཚོགས་རྣམས་བརྒྱལ
iiif viewer powered by OpenSeadragon
