| e-texts navigator |
| Wylie |
328b1 མཐུས་འཇིག་རྟེན་དབང་དུ་འདོད།། འབྱུང་བ་མི་མཐུན་རིགས་ལྔའི་ངོ་བོ་ལས།། སྤྲུལ་པའི་ཡུམ་གྱིས་འབྱུང་བ་ཆ་སྙོམས་ཏེ།། འཇིག་རྟེན་རྒྱུ་བའི་རང་བཞིན་ལས།། སྲིད་པ་ཆ་སྙོམས་བྱེད་མཁན་མཁའ་འགྲོ།
328b2 མ།། གཞན་ཡང་འབྱུང་བ་ཆེན་པོ་ལྔ་རྣམས་ཀྱིས།། སོ་སོ་རང་གི་ལུས་ལས་མཁའ་འགྲོ་མ།། རང་ལུས་འཛིན་པ་རྩི་ཐོག་བཞིན་དུ་སྐྱེས།། འདོད་ཁམས་གཟུགས་ཁམས་གཟུགས་མེད་མཁའ་འགྲོ་མ།། ཞལ་དང་མིག
328b3 དང་རྣ་བ་ལས་ནི་སྐྱེས།། མ་རྒྱུད་ཐམས་ཅད་མངལ་ནས་རབ་ཏུ་སྐྱེས།། བདུད་དང་གཤིན་རྗེ་སྲིན་པོ་དབུགས་ལས་སྐྱེས།། བགེགས་རིགས་སྟོང་ཕྲག་དྲུག་ཅུ་བརྫུས་ལས་སྐྱེས།། མཁའ་འགྲོ་མ་དེ་རྣམས་ཀྱི་ལུས་ལ
328b4 ཡང་།། སྐྱེས་པ་མང་ཞིང་སྲིད་པ་འདི་ལྟ་སྟེ།། ལྷ་དང་ལྷ་མིན་ཀླུ་དང་གནོད་སྦྱིན་མཁའ་འགྲོ་མ།། སྲིན་པོ་ཤ་ཟ་གཤིན་རྗེ་མཁའ་འགྲོ་མ།། དྲི་ཟ་མཁའ་ལྡིང་མིའམ་ཅི་མཁའ་འགྲོ་མ།། ལྷོ་འཕྱེ་དྲང་སྲོང་སྲོག་གི
328b5 མཁའ་འགྲོ་མ།། བདུད་དང་དུར་ཁྲོད་མི་ཡི་མཁའ་འགྲོ་མ།། བྱོལ་སོང་ཡི་དྭགས་དམྱལ་བའི་མཁའ་འགྲོ་མ།། ལས་དང་རབ་ཏུ་དམྱལ་བ་ལ་སོགས་ཏེ།། མཁའ་འགྲོ་མ་རིགས་ཐམས་ཅད་གཅིག་ལ་གཅིག། ཡིད་དུ
328b6 མི་འོང་ཁྲོ་ཞིང་འཁྲུག་པ་ནི།། སྤྱི་མཐུན་སོ་སོའི་ལས་ཀྱི་དབང་ཉིད་ཀྱིས།། ཉིང་ཤ་ཉིང་ཁྲག་པགས་པ་སྲོག་ལ་སྤྱོད།། འཇིགས་སྐྲག་འདོད་པ་ལ་སོགས་ཐ་དད་པས།། ལ་ལ་འབྲོས་ལ་འདེག་ཅིང་འཚོལ་བ
iiif viewer powered by OpenSeadragon
