| e-texts navigator |
| Wylie |
328a1 མོ།། དེ་བཞིན་རིགས་དང་ངེས་ཚིག་ཅི་ལྟར་ལགས། ཁྱེད་ཀྱིས་བཀའ་སྩོལ་བདག་ཅག་ཉན་པར་འཚལ།། དེའི་ཚེ་བཅོམ་ལྡན་འདས་དཔལ་ཕྱག་ན་རྡོ་རྗེས་པདྨའི་གདན་ལས་བཞེངས་ཏེ་བཀའ་སྩལ
328a2 པ། འདས་པའི་དུས་མ་བྱུང་བའི་སྔོན་རོལ་དུ། བཅུད་ནི་བསྐལ་པའི་རྣམ་པའི་གྲངས་ཀྱིས་འགྲུབ།། ལུས་མེད་ཤེས་པ་ཆང་སྦྲང་བཞིན་དུ་གནས།། འཇིག་ཆགས་གཉིས་ཀྱིས་སྟོངས་ནས་བསྐལ་པ་ལས།། དུས
328a3 གཅིག་ཚ་གྲང་རླུང་འཐབས་འབྲས་བུར་སྨིན། དེ་མིན་སྤྱི་མཐུན་ལས་ཀྱི་མཁའ་འགྲོ་མ།། ལུས་ལ་བལྟ་བས་མི་ངོམས་སྤྱན་གསུམ་མ།། མཆེ་གཙིགས་གཅོང་རོང་ཆགས་པའི་གདུང་བ་གཡོས།། ཕྱག་གིས་བྷ་ག
328a4 བསྐྲད་པ་རླུང་གིས་བསྐྱོད།། འབྱུང་བཞི་འདུས་པ་རྒྱུ་དང་རྐྱེན་དུ་འཕྲད།། འགྲོ་དྲུག་མ་བུ་ཏིལ་གང་བཞིན་དུ་སྨིན།། དེ་མིན་འབྱུང་བ་འདུས་པའི་མཁའ་འགྲོ་མ།། ཡུམ་ཆེན་མོ་ལས་བརྫུས་ཏེ་སྐྱེས་པ་ལྔ།། དབུགས
328a5 དང་དྲོད་དང་ཁྲག་དང་ཤ་རུས་ལས།། རླུང་གི་རྒྱལ་མོ་འཇིག་རྟེན་འདེགས་བྱེད་མ།། དྲོད་ཀྱི་རྒྱལ་མོ་འཇིག་རྟེན་སྲེག་བྱེད་མ།། རླན་གྱི་རྒྱལ་མོ་འཇིག་རྟེན་སྡུད་བྱེད་མ།། ས་ཡི་རྒྱལ་མོས་འཇིག་རྟེན་རྟེན་པར
328a6 བྱེད།། འཇིག་རྟེན་ཀུན་ཁྱབ་རྒྱུ་བའི་རང་བཞིན་ལས།། སྤྱི་མཐུན་སྲིད་པ་ཆགས་པའི་མཁའ་འགྲོ་མ།། མཁའ་འགྲོ་དེ་རྣམས་ནུས་པའི་མཐུ་སྐྱེས་པས།། འོད་ཀྱིས་སོ་སོའི་འཇིག་རྟེན་གང་བར་གྱུར།། སོ་སོའི་ནུས
iiif viewer powered by OpenSeadragon
