| e-texts navigator |
| Wylie |
327b1 འབུམ་སྡེ་ལ་སོགས་པ་རྣམས་ལ། རྒྱུད་འདི་ཟུང་ཞིག་ཆོངས་ཤིག་ཕྱི་རབས་ཀྱི་བསྟན་པ་སྲུངས་ཤིག་འཁོར་རྣམས་ཀྱིས་རྗེས་སུ་ཡི་རངས་ཏེ་མངོན་པར་བསྟོད་པ་འདི་ལྟ་བུའི་དོན་ཡང་དག་པར་བསྟན་པ། བསྟན་པ
327b2 བསྲུང་བར་བགྱིའོ།། བསྐྱང་བར་བགྱིའོ།། ཞེས་གསུངས་ནས་མངོན་པར་བསྟོད་དོ།། རེ་མ་ཏི་མཆེད་བཞི་ཕྲིན་ལས་ཀྱི་རྒྱུད་རྫོགས་སོ་ཧ།། ། ཨི་ཏི།། །། @#།། རྒྱ་གར་སྐད་དུ། ཌཱ་ཀཱི་མ
327b3 ཧ་ཀརྨ་ཏ་ཏཱ་ཏྲི་ས་མཱ་ཛ་ནཱ་མ་ཏནྟྲ། བོད་སྐད་དུ། ལས་ཀྱི་མཁའ་འགྲོ་མ་དེ་ཁོ་ན་ཉིད་གསུམ་དུ་འདུས་པ་ཞེས་བྱ་བའི་རྒྱུད། བཅོམ་ལྡན་འདས་ངག་གི་དཔལ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས
327b4 གཅིག་ན། རི་རབ་རིའི་རྩེ་མོ་བྱང་ཤར་གྱི་མཚམས་ཤིང་ཡོངས་འདུའི་ཚལ་ཆེན་པོ་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་བཅོམ་ལྡན་འདས་ཕྱག་ན་རྡོ་རྗེ་ལ། འཁོར་ལྷ་མ
327b5 སྲིན་སྡེ་བརྒྱད་ལ་སོགས་པ། མཁའ་འགྲོ་མའི་ཚོགས་བྱེ་བ་དུང་ཕྱུར་ཀྱིས་བསྐོར་ཏེ་བཞུགས་སོ།། དེའི་ཚེ་བཅོམ་ལྡན་འདས་དཔལ་ཕྱག་ན་རྡོ་རྗེ་ལ་འཁོར་འདུས་པ་རྣམས་ཀྱིས་ཕྱི་ནང་གསང་བའི་མཆོད་པ་ཕུལ
327b6 ནས། ཀརྨ་ཌཱ་ཀཱིས་འདི་སྐད་ཞུས་སོ།། སྟོབས་ཆེན་དྲག་པོ་འཇོམས་མཛད་རྡོ་རྗེ་ཅན།། བཅུད་ཀྱིས་བསྡུས་པའི་འགྲོ་བ་བདག་ལ་སོགས།། བསྟན་པ་འདི་ལ་སྐྱེ་བ་ཅི་ལྟར་སྨིན།། ཡེ་ཤེས་སྤྲུལ་པས་རང་རྒྱུད་གྲུབ་པ
iiif viewer powered by OpenSeadragon
